教你如何說服自己買兩隻WFC柯柏文！

常威

好高興，今日可以教大家如何有效率地去說服自己買兩隻柯柏文，做法其實非常簡單，不過時間可能會長D，就等我水師提督個仔常威，教大家兩道板斧啦！:43:大家跟住我黎......

首先我地當然要一隻全新柯柏文啦！


因為時間既關係，我已經用12個鐘將原有灰色既地方，用mr.hobby #159 (super silver)repaint過，然後再用雙星方樽銀油及黑油滲線！咁成個柯柏文就可以如圖中咁醒目架啦！


為左方便進行作業，我提議大家先將全身鑼絲拆除，方便上色！另外，想令銀色表面光滑，當然要用開油水溝稀，油多兩、三次，令效果更佳！


油好哂所有銀色之後，當然亦要用雙星方樽黑色滲線啦！細位就可以完全表現！記住為方便作業，請緊記將滲出界外的黑色油，用zippo火機電油抹走！咁就可以更有效率同埋更輕鬆完成！


題外話：大家有冇發覺，呢款WFC柯柏文個造型係咪有D似曾相識呢？係呀！我真係覺得佢好似................












...............機甲創世紀既霧私必達架！:71:


好啦！講番正題啦！
經過左咁多野之後，個老柯又咁靚，係咪真係有需要買多隻咁視錢財如糞土呢？係有架！你真係好需要！因為只要響呢個地步，只要將老柯由人形變成戰車，只要你扭多佢兩扭，佢就會..........















........佢就會爆膠架啦！:71:而且仲係要爆到痴唔番架啦！

雖然你睇相之後會覺得：「都唔係好大鑊0者？區區一隻手臂，何足掛齒呢？」但係你又唔好話喎！衰開有條路，之後隻腳亦都會爆埋架！冇影俾你睇之嗎！:DD


好嘞！去到呢度你就會問，咁斷哂手斷哂腳可以點.....又？哦咁你就唔駛愁，因為老柯假假地都係變形金鋼，佢都可以變番做一架車，不過就冇機會變番人之嗎！:p


去到呢個環境，我就即時變做加利威，好認真咁研究過，思前想後，終於發現死因應該係油mr.colour既油時出事！:Q

因為我諗住溝稀d，以免出現筆痕，點知mr colour開油水毒性太強，「也母」死左隻柯柏文！:67:




去到呢度，閣下千祈唔駛慌！因為只要帶同銀包出街走一轉，你就可以.........





..............誕誕........

:)有兩隻！


你地睇下幾有型！好似鬥快過終點咁呀！:!


兩架車一齊擺post有型程度簡直攞滿分添呀！:*


而且仲可能有額外驚喜添~~~~~~~~:^


多謝收睇！:64:

金魚光1

哇，爆膠好恐怖啊，不過我都系遲點先入

LCHANGETHEWORLD

:71:

Warmblood

咁爆法...................:53:

anfernee217

爆膠應該係因為你用電油水抺過表面而令膠變脆, 雙星X-20絕對唔可以真接上膠面, 爆硬

呂品器

楊過柯柏文 :o

himhimhim74

:71:

keithwu516

笑中有淚．．

fktuen

上了色真是有型很多!!! 最正是有得看比較嘛!

請問大大是手油還是用噴鎗?
thanks~ :64:

常威

爆膠應該係因為你用電油水抺過表面而令膠變脆, 雙星X-20絕對唔可以真接上膠面, 爆硬
anfernee217 發表於 5-7-2010 09:53 AM

    我用我爺爺個名黎起誓！死因唔係雙星，應該係mr.colour先真！:*佢毒性太強，「也母」死左隻柯柏文！:67:

fktuen

我用我爺爺個名黎起誓！死因唔係雙星，應該係mr.colour先真！佢毒性太強，「也母」死左隻柯柏文 ...
常威 發表於 5-7-2010 10:04 AM

請問水性油亦會「也毋」爛膠?
我還以為只有油性油才會....那麼....用水性油幫 SIC 上色是很危險了....:50:

Warmblood

我用我爺爺個名黎起誓！死因唔係雙星，應該係mr.colour先真！佢毒性太強，「也母」死左隻柯柏文 ...
常威 發表於 5-7-2010 10:04 AM

    一早叫您用盤桃兒架啦:34:....

fktuen

爆膠應該係因為你用電油水抺過表面而令膠變脆, 雙星X-20絕對唔可以真接上膠面, 爆硬
anfernee217 發表於 5-7-2010 09:53 AM

    請問大大，安全起見，是否應先將玩具「噴灰」?

超級拉打迷

請問宜家邊有仲得買:64:

Warmblood

請問水性油亦會「也毋」爛膠?
我還以為只有油性油才會....那麼....用水性油幫 SIC 上色是很危險了.... ...
fktuen 發表於 5-7-2010 10:11 AM

    :65:Mr.color #159係油性.....而樓主用雙星方樽銀係enemal油....

3种都不是水性