回到斯比頓~TF OPTIMUS PRIME~

warxv

今次又到老文了,記憶中我介紹得最多的玩具角色應該係佢...那究竟係RX-78的版本多D還是老文的版本多D呢??真是一個有趣的問題.

老文這個宇宙最邪惡的角色一般比較少在DELUX級(掛咭裝)出現,今次難得又奇怪的和大黃蜂配對的在DELUX級出現,難道孩之寶對這系列真係咁無信心??

我本身覺得在TF講比例是有點多餘的,因為動漫史上最唔合比例,或者應該叫最不可思議的情況都是集中在TF的故事裡出現,玩具唔合理的比例應該是相當然的了.

不過今次感覺上真的有點浪費了這一設定.

不說將他放在大黃蜂身邊時的觀感,單是看本體也覺得有點問題.這傢伙一身重裝兵的外形(我覺得有點GEAR WAR的影子),一層層的盔甲,手粗腳粗充滿力量,外形上真的很有殺氣!!但一看到其SIZE時氣勢當場少了一半...

除去大小問題,這傢伙外形上我比90分!!

又或者如果設計唔係咁出色,我對比例這問題又唔會有意見的...

背面沒有明顯的龜殼問題,整整齊齊的.

小腿側的死氣喉我有時喜歡擺斜一點,感覺上更有動感.

上色方面沒什麼問題,要說就是本身的啤色不太吸引,可能是負責的朋友想用啤色去模仿GAME中那帶點灰暗紅色的感覺吧......

我自己就花了點時間在灰色部份油了銀色及滲線.紅色是單純的燈光問題,沒有任何處理.

可動方面最大問題就是沒有了腰左右轉的關節,這有點美中不足!還好的是關節鬆緊方面沒什麼問題.

變形又是相當複雜的LEVEL4級數.

(其實有老文這名牌,連設計都咁複雜了,好心就出大隻D賣貴D啦,出咭裝真係怕唔賣得??)

車形我覺得馬馬虎虎還不錯,比較起來我還是喜歡大黃蜂的多一點.

車背的槍應該不是這樣安裝的,不過我這一架如果按設定又有點鬆所以把心一橫的直裝.

武器方面老文今次只有一槍,不過可以配上POWER CODE的武器,玩法即時豐富了很多.

全武裝柯柏文!!!

雖然比例問題確是有點令這傢伙失色,不過整體來說仍然是叫人喜歡的一隻老文,特別是配上POWER CODE的武器之後.

還有不要將這傢伙放在其他角色旁邊...

介紹了一連5款的TF角色,我的TF仲夏大特集完了嗎??

當然未,主菜現在才出場!!

redfish

車尾燈唔翻出來?


提外話, 今批TF, 好似得兩隻LEADER CLASS係越南製造

手榴蛋包飯

仍未能用正價入手的文哥啊......:56:
的確, 比起偷膠, 商品大小更令人在意...

感謝WFC文哥的分享~
L星星叫似乎相當不錯. 期待樓主的報告~

黑色三連敗

又一篇好報告出現~~~~:71:

fatcheong

Great report:71:

自由之翼

呢隻柯柏文出得好靚
頭又造得靚仔
同系列的"侍"都好正
會唔會考慮入?

warxv

紅魚兄:
車尾燈...學人扮勁唔睇說明書之過...真係燒鬚...
又無留意WOW,咁有D奇了,LEADER CLASS反而見有老鼠貨,其他的反而少見??
又之前TAKARA佢地在泰國投資左好大間廠的,真係剩係做車仔??

飯兄:
呢隻文我真係覺得咁細隻係浪費.
星星叫更正,不過我都仲未同佢影相,工作又忙,希望出到啦.

連敗兄:
多謝你的回應.

fatcheong:
THANK YOU!!

自由之翼:
同期的侍同戰鬥蜂都入左了,不過仍然在朋友手上,未到手呢...

玩具宅人

唔知會唔會遲下出多個新版,係連埋game入面d槍?!隻game勁好玩,尤其轉槍時變型,勁型:71:

SARU

好似咭背人mode幅圖都冇反個膝蓋上黎......正所謂盡信書不如無書

himhimhim74

:71:

whitedevil

Game 入面膝頭就係咁, 因為佢既設計"膝頭=車尾",
其實各有所好, 最重要係玩家自己鍾意. . 點變都得.

warxv

玩具宅人:
GAME我未接觸,聽落就好吸引了.

SARU:
呢個問題就我同友人研究過,GAME的設定也是沒有反上的,而我無睇說明書就按一般老文般都是反上了.

himhimhim74:
THX!!

whitedevil:
謝謝你提供埋圖片,手指我都想過油銀D關節位的.
THX!!

wing0boy

:71:好正ar:44:好毒的post

石

我想等日版......

bananaman

小弟有幸入到！
呢隻真係好玩，唔睇說明書都變到，少少複雜但又唔算難:71: