|
|
|
(麻帆良市時報記者 / 桜高軽音部記者平沢 唯報導)
大， 大家好, 本記者第一次為大家報導, 我係平沢 唯, 請大家多多指教~
九巴於 1998 - 2003 年間引入為數共 160 多部德國o既 Neoplan Centroliner 雙層巴士,
佢地唔只係九巴第一批 Neoplan 品牌出品o既巴士車款,
亦係九巴首款以整體化車身設計o既車型, 車身底盤同車身骨架同步生產同連接,
並且使用單一連體不鏽鋼車身, 以增加車身剛度,
其中九巴o係 2001 年引入, 車隊編號 AP 131 同 132 o既 Centroliner,
配備由德國 MAN 提供o既 Euro 3 標準環保引擎,
o係當時亦係號稱九巴最環保o既巴士, 九巴並且為佢地油上特別o既車身顏色,
並且稱之為 "綠悠悠巴士", 以收宣傳效果,
呢隻特別o既車身顏料, 名為 Kolibri, 係由綠色, 紫色同金色等色彩組成,
會因應光線反射角度o既變化而反射出綠色, 紫色同銀色o既變色效果,
而車身底油就係黑色, 以加強變色效果,
可惜呢隻特別o既車身色彩, 因為只係作宣傳 Euro 3 環保巴士之用,
加上呢隻 Kolibri 車身顏料成本係普通車身漆油o既倍數, 全車翻油亦唔化算,
其中 AP 131 已經o係今年脫離 "綠悠悠" 行列, 以普通九巴香檳金色塗裝示人,
另外o既 AP 132, 以至剩番o既另外三架綠悠悠九巴--
Dennis Trident 10.6m (ATS 96 同 97) 同 Volvo Super Olympian 12m (3ASV297),
相信亦可能會o係將來脫離 "綠悠悠" 行列, 再冇機會見到佢地o既變色o既特色啦...
今日, 麻帆良市亦迎接呢部 "綠悠悠巴士" o既到臨,
記得佢o既兄弟 AP132 o係 2001 年尾亦出過模型,
可惜因為市長 Super Bus o既一時猶豫, 令佢錯失引入好車o既機會,
以至後來車價高居不下之餘亦一度有價冇市, 亦令 Super Bus 不禁後悔,
不過今次再出 AP 131, 終於令 Super Bus 總算一圓擁有變色 Centroliner o既心願啦,
而且今次 AP 131 感覺上亦比上一架o既 AP 132 好,
難怪連 Super Bus 都話 "上次果架 (AP 132) 錯過左都未嘗唔係好事~"
講左咁多, 都係帶大家一睹呢架綠悠悠九巴o既風采啦~
証書編號 0968, 全球限量 1800 架
正式落地! 巡音ルカo黎歡迎你!!
綠悠悠九巴三架合照, 錯過左 AP132, 依家有番架 AP131 都未嘗唔係好事~
加送拎車後户外幾攝, 雖然係可以變色, 但係儘管o係日光下,
要影到佢o既變色效果都係唔容易...
小劇場~~ XDD
初音每逢有新車到, 例牌都要做驗車官兼 Tune 車手,
今日呢架綠悠悠九巴到埗, 自然亦唔例外啦~
(初音) 哼~~~少有啵, 今次呢架車竟然識得變色, 睇落呢架車都真係唔簡單...
正當初音準備開工之際, 巴士突然好似脫韁野馬一樣撞向初音!
好彩初音閃得快冇比佢撞倒, 巴士亦極速逃脫!
(初音驚魂甫定) 喂! 你架巴士即刻同我停低呀!!
初音追到o黎新巴停車區
(初音) 呼~~呼~~~呼~~~我 $&^%$#$%@&#!!!! 呢架死巴士到底走左去邊呢?
初音四週張望, 見唔到綠悠悠九巴o既蹤影...
(初音) 哼! 比我揾到呢架巴士我一定要同佢全車肢解再熔左佢!!
初音離開左 10 分鐘之後, 呢架新巴就開左出o黎, 咦?! 等陣!! 佢好似......??
終於現出原形! 原來呢架綠悠悠九巴仲識偽裝術o既!!
趁初音仲未返轉頭, 開盡 Turbo 走人先~~
無聊之作, Thanks for reading~~ ^^ |
|
發表於 19-6-2010 15:17:06
