War Machine 打孖上

Garycharm

等了多月，Ironman 2終於上映，我亦第一時間去看。本片毀譽參半，我個人很喜歡這套片-----除了易角了的洛德上校...

影評一會再說，先看玩具。

看吧，看吧，孩記 3.75"，兩隻 War Machine！！！

對這電影 3.75 系列中的王者，我一改街上拆玩具習慣，慎重其事兼煞有介事的回家乖乖坐好才拆看。論配件，這傢伙的確較一般375多，有大小兩支炮、一條彈鍊、及一支飛彈。除了沒有替換手形外，本品配件和 6" 差不多。




雖然我已有了 6" War Machine，但對這傢伙只有更震撼------這簡直是 6寸的縮水版！！！刻功精緻、造形精密，如仔細比較，你更會發現他的線條和 6" 極相似。除了一兩條礙眼分模線外，這小人偶完全不似孩記的 375 東東！




但先聲明，如果你以為本品完美的話就太天真了..........我老友教我，玩美玩，要有心理準備肯無視飛油出界水口分模線加 QC~~~~~講到尾，就係「個樣冇問題已經要收貨」...........囧.............




一如 6寸系列，膝部有雙關節，關節更設有內甲，遮掩穿崩位置。大家亦可留意本品的刻功十分清晰利落。




股間球型關節亦有機械造形，大佬，以前連 6" 都冇咁靚呀！！

o拿，隱藏位搞到咁好，至於大脾分模線......你當佢係紋身算o各。




拆下彈鍊，可看到雙炮亦同樣設有活動關節.....真係要鬧鬧孩記，老老實實，同係3.75 系列，點解質素可以差咁死遠！！！




活動能力方面，除頭部範圍較窄，應有的關節都有了，沒有太大問題。

玩吧~~~~如果當佢將佢同 6寸比，就始終差D（那隻 Ironman 2 的6寸，係孩記十年一遇食錯藥，不能作準~~），但，夠玩！




孩記 3.75"近日推出三隻有地台版，除了 War Machine外，有MK IV 和MK VI。地台版兩隻紅色的都只有人偶、省去了卡版附件手臂彈弓炮，這倒沒甚麼；而War Machine 呢，卻竟然給省去左膊大炮！天呀！！！原本我想買多隻 War Machine 收藏，依家你算點先！！！
:53:
下圖，如果我買地台版「窩物鮮」............當然，左膊那「膠的」其實是可摺向後的，不過那是另一回事了.....





再來看看漫畫版 War Machine~~~~

儘管本品不及電影版細緻，其實他無論上色、造功，都比電影版更好。




留意裝甲下的肌肉線條是好有層次好有看頭的。




雙炮和電影版一樣可前後活動，但不能拆下。好處是不會弄甩、但也不能把兩炮左右扭動。





玩吧~~~~~關節表現流暢、穩定，活動能力足以和電影版 WM 並駕齊驅。連頭部的問題也一樣！


這傢伙在一眾3.75中算十分出色，不過我個人就不大喜歡他的造型......那面相並右額那紅燈，總叫我想起古時的日本人~~~~~~~




本品附有兩個飛彈效果部件，我很喜歡這類東西。





後記：

撇開「罕有」光環，兩隻 MW 的確麻雀雖小但沒欺場。

眾3.75中，電影版那只排第二位。漫畫版呢，我唔鍾意個樣，不過都有十名內。

說到入手，兩隻WM ，漫畫版那隻我有幸在百貨公司原價入手，電影版那只就以小炒價入。

其實電影版那隻我後來倒見到幾次，反而漫畫版我之後就從未見過。電影版最平宜的，要算星期六在旺角銀行中心見$120.00，其餘的，甚麼佳旺、現時點、銅鑼灣16樓$180~$280不等。

我從未做過零售，WM  以百貨公司原價 $89.9比較，好似幾黐線。不過有人問我，如果我開店鋪買玩具，要我來一箱：質素參差、QC 驚人的 3.75"。這一箱東西，只有一兩隻 WM、一隻鞭佬、一隻 MK 1，然後一大堆分唔清 Mark幾 Mark 幾的紅色燙斗人，我會怎定價？




談電影：（留意，以下有劇情）

看電影，我覺得 Ironman 2 十分好看，甚至比第一集更喜歡。

看美式英雄電影，別和我講甚麼背後理念（在云云英雄電影海洋中，X-Man 2、小丑是異數）。.我會完全以娛樂性作主導。我覺得本片節奏掌握的出神入化、每一方面都計算奇準。如果細心分析各段原素----除了尾場高潮稍弱----我簡直覺得無懈可擊！


當然會有人不同意，因為，看戲是很主觀的事。

本片有兩點我不大滿意，第一，我極不喜歡 Rhodes 上校由上集的 Terrence Howard換了 Don Cheadle。我管你 Don Cheadle 是甚麼來頭，今次就是不好看！

想一想，如果能把上集 Tony 和 Rhodes 已建立的關係延續，今集把輕鬆風趣的 Terrence 版 Rhodes 迫得和 Tony 反檯.........戲劇漲力已完全不同層次！！！


第二，和許多人一樣，我也認為壓軸大戰不夠精彩。我唔係要你一定同大鞭佬點打點打，我只係好單純覺得，你推得未夠高！

點推？呢個係你責任~~~~~~


嗯~~~~~~講o左幾個缺點，其實我好鍾意套戲。以我口味，佢一定好睇過變型金剛 2、狼人外傳、超人回龜。水平大致同 X-Man 2、變型金剛 1差唔多~~~~~~

玩具宅人

漫畫版 War Machine 2支炮係可以左右轉動,因為我已經拆左飛彈炮出黎,裝向MOVIE版WM

巴武藏

Garycharm大，咁大清早就有正 post 睇，朋友對套戲既評價好兩極化，我就非常鍾意:71:，，尤其用 AC/DC 做配樂:71:...我都覺得用回上套個黑人上校會好一點，今集換角硬是投入不來:38:

矢吹丈

nice pic!

Garycharm

漫畫版 War Machine 2支炮係可以左右轉動,因為我已經拆左飛彈炮出黎,裝向MOVIE版WM
玩具宅人 發表於 6-5-2010 09:32 AM

噢~~~我玩得唔夠細心，謝指正！


巴武藏兄，謝支持，我唔識音樂，請問咩係 AC/DC？

taken

good report and pics thx

AK30

good report!

douglaschan

地台版war machine除了比普通版左右手印多了紋之外
更重要的不是沒了那彈弓炮, 左膊大炮係有跟的, 只是另放左盒內, 而係冇條彈鍊...

DIEND

我入Comic 果WM 都係特登為左搏頭d武器俾movie果隻WM 用:)
十卜gary大大:71:經常出好正既post

Garycharm

地台版war machine除了比普通版左右手印多了紋之外
更重要的不是沒了那彈弓炮, 左膊大炮係有跟的, 只是另放 ...
douglaschan 發表於 6-5-2010 11:07 AM

有咩！！！！！
我唔敢買呀，謝指正！

玩具宅人

回復 8# douglaschan


有跟大炮嗎???我開時都唔多見:50:今晚返去睇真D先

手榴蛋包飯

好想要漫畫版WM...:56:
感謝報告, 另恭喜購入紅眼版.
樓主的WM彈夾裝得很穩固, 我那隻基本上固定不能...

douglaschan

有咩！！！！！
我唔敢買呀，謝指正！
Garycharm 發表於 6-5-2010 11:38 AM

回復  douglaschan


有跟大炮嗎???我開時都唔多見今晚返去睇真D先
玩具宅人 發表於 6-5-2010 11:50 AM

係跟細果支ja, 有個透明袋仔入住放左響說明書果邊
最重要係冇條彈鍊先攞命... 得支炮仔差好遠...

movie_arms

相既背景都好有心思!
"本片有兩點我不大滿意，第一，我極不喜歡 Rhodes 上校由上集的 Terrence Howard換了 Don Cheadle。我管你 Don Cheadle 是甚麼來頭，今次就是不好看！
想一想，如果能把上集 Tony 和 Rhodes 已建立的關係延續，今集把輕鬆風趣的 Terrence 版 Rhodes 迫得和 Tony 反檯.........戲劇漲力已完全不同層次！！！"
絕對同意~!

Garycharm

係跟細果支ja, 有個透明袋仔入住放左響說明書果邊
最重要係冇條彈鍊先攞命... 得支炮仔差好 ...
douglaschan 發表於 6-5-2010 12:09 PM

大大，即係有一支定兩支？

咁差好遠 woo....