|
|
|
本帖最後由 SuperBus 於 10-3-2010 04:44 AM 編輯
(麻帆良市時報記者 / 糟日部新聞記者泉 こなた報導)
Olympian 呢個名字, o係英國同香港o既巴士業界一定冇人唔識,
因為呢款由英國 Leyland 車廠於 1979 年開始面世, 前稱 B45 o既雙層巴士車款,
叱咤左巴士業界超過二十年, 而且橫跨 Leyland 到車廠被 Volvo 收購o既年代,
依然被 Volvo 保留 Olympian o既名字繼續生產直至千禧年, 香港最高峰時期更有多達數千部 Olympian
(包括全港所有巴士公司, 已經退役同現役中, 配 Leyland 同 Volvo 廠徽o既 Olympian) 為市民服務,
事實上, 依家九巴o既 Volvo B9TL 亦係 Olympian o既後續,
(Volvo 對 B9TL o既官方名字係 Volvo Olympian SLF, Volvo 官方網頁初期亦有以 Olympian 稱之),
就連全港第一架試驗成功o既空調雙層巴士, 亦同 Olympian 扯上關係
1988 年, 九巴引進第一架 Leyland Olympian 11m 空調雙層巴士 — DX 2437, (車隊編號 AL1) 作為試驗,
佢o既 Cummins LT10 引擎配 ZF 4 HP500 波箱, 加上日本 Nippondenso 空調系統o既機械配搭,
為九巴雙層巴士空調化邁出成功o既第一步, 於是九巴由 1990 年至 1993 年間,
向 Leyland 一共訂購左 149 架空調版 Olympian 11m, 編號 AL2-150
(其實係 199 架, 當中最後一批 50 架基於某些原因後來被拆去所有空調組件, 並且以非空調巴士樣子示人,
佢地亦被編號為 S3BL421-470 成為九巴最後一批非空調 Leyland Olympian 11m 巴士車隊o既成員,
亦成為 Leyland 關閉廠房前向九巴提供o既最後一批巴士,)
並且使用全密封式車窗設計, 加上以白色為主調o既車身色彩,
令空調巴士o既形象呼之欲出, 除左o係當時一D巴士路線加入行走外,
當中亦有少數被加裝行李架, o係週末同公眾假期行走當時啟德機場至中環港澳碼頭o既 A2 路線,
隨著車齡增長, 加上更多新式o既低地台空調雙層巴士引進投入服務,
呢批九巴首批雙層空調巴士亦陸續退下火線, 其中 AL1 先於 2005 年退役, 並且被九巴保留收藏,
自 2007 年開始, 第一批空調 Leyland Olympian 11m AL1-40 先後退役,
AL41-AL134 雖然已經年屆退役年期, 但係亦有大部分巴士獲得再續牌多一年至功成身退,
至目前為止, Leyland Olympian 11m 空調巴士o既數目只有六十多架,
只佔全盛時期數目唔夠一半, 餘下車輛亦預計於今年同明年內全數退役,
同時亦將會標誌住 Leyland Olympian 空調巴士o係九巴車隊服務o既年代正式劃上句號,
當九巴o既最後一批非空調 Leyland Olympian 11m 巴士, 原空調底盤o既 S3BL421-470 退役之時,
亦將會同時表示配 Leyland 廠徽o既 Olympian, 以至 Leyland 品牌o既巴士o係香港專利巴士服務o既時代正式結束
今日, 麻帆良市亦迎接呢款 Olympian o到臨, 呢款被 Super Bus 市長視之為愛車之一o既巴士,
Super Bus 表示, 車頭o既方燈設計正係當年新車出道果陣o既原裝樣貌,
隨著巴士後期被換上圓燈同唔同式樣o既指揮燈配搭, 巴士原裝樣貌已經不再復見,
佢仲表示, 始終都係 "Original is Good!" 睇佢對呢款巴士愛不釋手o既樣子,
就知佢對呢款原裝正版o既空調版 Olympian 係幾咁情有獨鍾啦,
唔講唔知, 原來 Super Bus o係好耐之前都曾經用咭紙整過呢款巴士出o黎o既~
隆重歡迎! 九巴 Leyland Olympian 11m 空調巴士, 正式登場!!
證書編號 0300, 全球限量 1000, 靚 Number 啵, 唔知又會唔會出番架行 300 號行太子至中環呢~? XDD
正式落地! 初音歡迎你!! (Super Bus 按: 做乜妳變左白毛女o既...??)
本文主角 AL50, 真係已經於 2008 年退役
全密封式車窗設計o既 Alexander R型車身, 加上以白色為主調o既車身色彩,
比人一種清涼o既感覺, 亦道出空調巴士o既意義, o係初出道果陣更比人一種 Hi-tech o既感覺
同前輩九巴 AL1 相逢, 但係大家真車o既命運卻係天淵之別
九巴 S3BL426 (81c) 同 422 (66) 加入合照, 如果 S3BL421-470 冇被改做熱狗o既話,
佢地極有可能成為九巴最後一批配 Leyland 廠徽o既 Olympian 空調巴士, 並編為 AL151-200,
S3BL426 同 422 亦將會係其中成員
特別客串--城巴 133, 正當九巴仲以 AL1 試驗之際,
城巴已經決定大量引入, 車頭設計亦比九巴o既更注目
(小劇場~~ XDD )
因為麻帆良市太多 Enviro 500 巴士, 令初音大嗌厭到嘔
先前初音已經發出警告, 如果市長 Super Bus 再入 E500 巴士, 一定會見一架拆一架,
近日收到料龍運o既 E500 亦快將推出, 令 Super Bus 亦蠢蠢欲動,
加上要壓住呢個 Fing 葱女o既惡勢力, 於是 Super Bus 決定引入一隻秘密武器,
佢就係--
巡音ルカo既寵物--八爪魚 たこルカ啦~!!
今日因為有新車報到, 初音巡例到廠巡視
(初音) 哦, 就係呢架巴士呀? 白雪雪個樣又唔錯啵, 好過果D金巴架架金澄澄~
正當初音準備開工之際, Super Bus o既 "上帝之手" 加たこルカ出現
(たこルカ) 篤篤篤~ (拍膊頭)
(初音) 做乜Q呀~~?
(たこルカ) たこ~~^0^
(初音)............
初音見到たこルカ, 即時面色大變!
(初音) 嗚嘩呀呀呀呀呀呀呀呀呀~~~~~~~~~~~~八爪魚呀呀呀呀呀呀呀呀呀~~~~~~~~~~~~!!!!!!!!!!!!
嗌完, 初音即時訓低
たこルカ仲未玩完, 仲想同初音玩多陣添~
仲爬埋上身!!
(たこルカ) たこ~
(初音) (震抖中) 呀呀呀~~~~~~八爪魚呀~~~~~~同我死開呀~~~~~~呀呀呀~~~~~~
たこルカo既主人巡音行過, 見到たこルカ同初音o係度...
(巡音)喚 My god~! たこルカ你同初音o係度做乜野呀???
(たこルカ) たこたこ~ ^^ (Super Bus 譯: 我同初音打招呼之嘛~ ^^)
(初音) (昏迷中) 呀呀呀.........呀呀呀.........
(Super Bus 按: 估唔到初音有重度o既八爪魚恐懼症, 我以後唔洗再怕佢啦, 哈哈哈~~~!!! XDD )
劣作, Thanks for reading~ ^^
p.s. 以上部分資料由友版版友兔兄提供同指正, o係度講聲多謝先~ ^^ |
|
發表於 10-3-2010 04:06:23
樓主
