|
|
發表於 3-3-2010 15:42:43
|
顯示全部樓層
喱度所謂「官商勾結」... 並非話真金白銀俾舊錢佢去果種...
例如早輪的「梁展文事件」就是一個好例子... ...
小櫻 發表於 3-3-2010 02:51 PM 
小櫻大說得對, 政府都說是有合作。正面d去睇, 因為香港係行低稅高地價政策,政府收入都係從賣地金融等收返黎,所以香港地產金融蓬勃都唔係完全同政府冇關係。
又再講正面d, 唔好話鬧唔鬧政府,睇完之前既討論大致都係兩個角度, 一方係 弱肉強食, 另一方 就覺得政府應該做返多d野。 根本永遠唔會有答案,因為根本係兩種態度。
講返樓市,第一,住係必須品,唔似玩具。理想既情況係, 有錢人可以住得好d,窮人就住得差d,好似衫一樣, 總唔能夠話有錢就著得好,窮人就底褲都冇。因為香港未窮到咁既地步,香港很有錢,可以照顧弱勢及有需要的一群,所以公屋係好的。
上面講左咁耐都唔係講弱勢, 講緊都係一d有工作能力而又買唔起樓既情況。而家香港既情況就似係, 有錢既可以有地方住, 冇錢既唔係住得差一d, 而係真係可以冇地方,或者要交同供樓差不多既錢租地方住。可能有大大覺得買唔起可以租, 冇本事唔好學人買, 呢個理論係香港可能有d唔同。因為香港樓價高, 租金亦高, 退左休冇自己物業,靠老本交租,沒錢了,申請公屋, 其實最後又係返去要政府睇數。想後生買樓,也未必因為心頭高,也許而是希望可以退休前供得完。所以太多人買唔起樓,又租唔到平既地方住,遅早會成為具體的社會問題,而不是單單的民憤。
再講,係唔係完全係政府責任, 一定唔係, 有人買,有人賣, 有人炒,都係成個社會做成,如果唔係有人貪心去炒,又點會咁貴呢? 當然政府可以做既野係好多的,問題係佢想唔想而做而已。好似政府之前話豪宅天價對一般樓影響不大,因為市場唔同,但係而家又話增加豪宅供應可以舒緩樓價,其實真係由佢up,佢亦係有能力去決定好多野的。
成個問題太複雜,好難三言兩語講得完,如果要講實質建議, 我會想政府起碼第一步就係可以俾居屋業主,唔使補地價去賣俾合資格申請居屋既人。因為居屋補左地價就變了私樓,可以俾現有業主賣出而不用補地價,較有能力既居屋業主有誘因去套現/換樓,同時亦可以保持一定數量既居屋去俾人上車。
p.s.
今時今日,想安份守已打份工,好似都變成罪人一樣,不貪不炒不行,也許真係時代唔同了。 |
|
樓主: toysfans2000
[複製鏈接]
