其實樓價高係政府一手做成

toysfans2000

仲有話要加豪宅印花稅,以壓抑抄風!
其實一般市民都買唔起 2千萬以上既樓, 咁對一市民有咩幫助?

香港人

仲有話要加豪宅印花稅,以壓抑抄風!
其實一般市民都買唔起 2千萬以上既樓, 咁對一市民有咩幫助?
toysfans2000 發表於 26-2-2010 04:35 PM

:34: 等佢地唔好將二千萬變成二千一百萬...

verywai

其實只要各位買樓人士量力以為,咁就算高樓價都唔會影響到你,因為市場上有好多平價樓,可能地方係偏遠,或者樓齡係大d,但為求安居樂業,簡簡單單都可以住得好開心.
簡單可以用年薪乘以7去計下,個數就表示你可以負擔得起的樓價,如果兩個人就當然可以再輕鬆d,又要計下想唔想要小朋友,再作相應調減

EvilCat

咁要個政府黎做o羊﹖個政府平衡唔到窮人同有錢人既生活基本條件既話
當然唔係要政府派錢﹐但令D肯做野既人見到一個好D既前景﹐有機會有家庭都唔得﹖﹖
gundamrx782 發表於 26-2-2010 04:17 PM

人人有伴, 養得起仔女, 仲要有層樓渣手先係政府要平衡嘅基本生活條件?
以上 d 係邊門嘅基本條件呀? 人生冇話老逢人係有您有嘅...
如果有日您起地球內揾到個咁正嘅烏托拜式政府, 記得推介俾大家呀!

做人肯做肯捱係好事, 但政府俾個 ceo 你做都要你 qualify 到先得啩?
政府係有責任幫一把保障您最低基本生活
至於可唔可以再向上爬, 改善到去人有您有嘅美好生活係要睇您自己架

香港人

其實只要各位買樓人士量力以為,咁就算高樓價都唔會影響到你,因為市場上有好多平價樓,可能地方係偏遠,或者樓 ...
verywai 發表於 26-2-2010 05:07 PM

嗯...市區都仲可以, 偏遠地方真係要慎重考慮, 咪一樣慳左供樓錢, 車馬費又駛返...
其實大家想政府防止炒風, 除左係抑壓樓價之外, 亦係唔想第時層樓價格暴跌變負資產, 先想政府出手平衡整體樓市價位, 我相信持正反意見既人都明白買樓既風險, 亦肯自己去承擔, 不過見個政府偏向有錢佬市場, 莫視草根至會有咁多爭拗...

verywai

當然..地方遠,車馬費可能會增加..但不要忘記,供樓係要比息,供20年既樓等於本身樓價約1.5倍,多左既0.5倍錢,點都唔會少過呢20年增加既車馬費掛...
而市區發展已相當完善,唔再好似十幾廿年前,去一個地方要轉幾次車.若車費真係增加好多,咁咪減少其他開資囉,番工每日帶飯,一個月都慳唔少啦..
真係要為左安居以買樓,付出少少係冇可避免,回想以前父母,咪又係每人做兩份,都係為生活安定啫,而家我地收入高左,為何不可以效法以前父母咁呢..
所有問題,都係事在人為啫..

toysfans2000

當然..地方遠,車馬費可能會增加..但不要忘記,供樓係要比息,供20年既樓等於本身樓價約1.5倍,多左既0.5倍錢,點 ...
verywai 發表於 26-2-2010 05:45 PM

呢樣野一半一半啦! 我都係諗買屯門既樓先! (我依家都住係屯門)
不過知易行難! 仲有好多開支係估唔到! 而且未必一切都咁順利!

當你過海返工, 就知到市區同唔係市區既分別! 車錢一日來回要 $40先(巴士),西鐵來回仲貴小小 (當然同息口冇得比呢,talk 下姐)
帶飯係得, 不過有時都要同同事去食下飯, 聯誼下既!


不過呢, 我依家係新界返工, 想轉工,
都見過過海既工, 見工時個老細問, 你住屯門, 未要預早d出門口law, 如果塞車都幾麻煩.
住得遠,係會對搵好工都有dd 影響

side3net

我只係知…董建華想推八萬五…已經推跌個市…
全部供緊樓既就變負資產。
結果係…樓…無起到。
市又跌左 ...
原罪 發表於 26-2-2010 01:20 AM

樓呢, 其實唔係無起到既..
好多做左公務員宿舍姐...
咁, 當然無起左八萬五咁多啦..呵呵呵..

gogoring

想當年董建華推八萬五壓低樓價果時，個個剩係識得講負資產，鬧人老懵董。但係果時上左車既買到平貨樓既就冇人出來多謝過佢一聲，你估啊o下好似煲吠佬o的咁狗既人，會唔會咁苯做o的禁戇居既事，咪由你班蟻民自生自滅。依家o的o野又貴o的樓又貴，當年出力鬧既朋友依家開心啦。

barrybaby

話起多的細樓,,,,,,,,,,,,,,
唉,,,
咩佢地覺得依家的新樓好大ma?...
5-600呎,都要幾百萬,,,,,
唔通要一家人住3-400呎咩...
同公屋有咩分別,,,

paleblue

同意小櫻大的見解,唔理關唔關政府事,有一樣野肯定既係今日既工作環境真係唔同左。
而家好多公司請人都係合約制,年年擔心有冇得繼續做,OT 工作 is a must, 準時收工成罪人的case彼彼皆是。 欣賞上一代打拼精神,收工兼職為生計,但今天可以準時走人去兼職的又有幾人?
今日社會,人工較好的多是要賣命的,唔只一個朋友公司要求佢做足7日呢! (汗)
就算真係可以收工去兼職,那朋友家人女人呢? 要有斷六親的覺悟喔。家庭活動,你返工,屋企食飯,你返工,朋友聚會,你返工,女人...忍得到你的要好好珍惜了。

E.T.

強帖留名...

為何家陣的怨氣這麼深呢？... 為何港英時代... 樓價比現在的貴(相對地)... 但當時卻沒有像現 ...
小櫻 發表於 26-2-2010 15:49

廿幾三十年前只要你肯做都實有得俾你做
我老豆老母都係做勞工階層辛辛苦苦都養大到我地三隻化骨龍
o係董伯伯年代受惠於首置可以上樓
但到我而家，我所見到o既係就算你好做得o野，公司話裁員就裁員
再搵工難度亦很高，好似我公司咁年年農曆年前都要裁幾個人
今年又裁o左 d 都 ok 做得o野o既人
老細成日問我亞頭我部門可唔可以o係大陸廠o個邊請人代替
暫時我亞頭仲頂到咋，不過都睇o下幾時到我啦......

政府話到明金融主導，唔係做呢行o既.......

E.T.

呢樣野一半一半啦! 我都係諗買屯門既樓先! (我依家都住係屯門)
不過知易行難! 仲有好多開支係估唔到 ...
toysfans2000 發表於 26-2-2010 17:57

我住屯門尖東返工
$470 西鐵月票一個鐘車程 (要轉輕鐵)
都唔算好貴呀
當然咁o岩返工地點係西鐵沿線先咁好啦:71:

mushroom

大家都唔肯重新洗牌，一齊跌市，繼續八萬五.........

cchong420

純粹討論:78:
其實有幾多人覺得要用二十幾三十年 (即係供樓供到退休) 去供一層樓係值得o架呢:?