其實樓價高係政府一手做成

hk小文

讀完大學都係得 3K 一個月，唔係個人有問題，我真係唔知仲可以賴什麼。

ajc188

估計沒那個地方會像香港, 租屋的價錢>or=該房主的供貸價(有時會再加上管理費等等), 所以租屋=傻b.....
但又因大多數人的薪金差不多剛好抵消當月使費(連租價), 所以那100k~500k左右的"首期"等同天文數字...所以傻b都是被逼的...

據身邊朋友經歷, 在香港能買樓有以下方法:
1. 父母送層樓比你
2. 父母代出首期(或借錢)給你買樓
3. 由十歲前開始擁有超良好儲錢習慣, 在衣食無憂的成長環境下,可於25歲前有穩定職業時買樓
4. 找一個女朋友和自己月薪相加不超過23000HKD, 肯先註冊不擺酒結婚, 男女各與父母同住, 等三五七年排隊買居屋

DIG

其實好多人覺得果D30幾年樓齡300幾400呎唔過一百萬嘅樓唔係樓黎架.
而家個個人只會識睇新樓, 要200幾萬有會所先叫似人住.
我覺得做人要睇餸食飯.

我係70頭嘅, 我又唔覺我身邊好多人買唔起樓.
一個人做十幾年野, 都應該可以30, 40萬俾首期啦.
真係講到咁買樓咁難? 定係D後生眼高手低?

toysfans2000

其實好多人覺得果D30幾年樓齡300幾400呎唔過一百萬嘅樓唔係樓黎架.
而家個個人只會識睇新樓, 要200幾 ...
DIG 發表於 26-2-2010 11:04 AM

睇個人情況啦! 我就70尾!
我96年先出黎做野, 一出黎做野就首先要幫屋企供樓
大家都知一供樓就比較難儲到多錢, 到 2007年尾先供完!
2002/2003 d 樓係平, 不過邊度再有錢買, 到2007年尾先再開始有多d錢儲首期
兩年時間要儲 30萬真係冇乜可能,我目標都係搵大約1百萬既樓

gundamrx782

我只係知…董建華想推八萬五…已經推跌個市…
全部供緊樓既就變負資產。
結果係…樓…無起到。
市又跌左 ...
原罪 發表於 26-2-2010 01:20 AM

嗯﹐你講左今次政府個矛盾位o係邊………
就係經過02,03既經驗﹐政府好怕推出居屋會再一次推跌個市﹐所以死都唔肯推

不過有一點你無提到既﹐就係而家香港既樓市係有大量外地人入市﹐搞到個價錢已經遠高於原本應有既supply demand line上面。而呢個情況可以受惠既只會係擁有過一層樓既人﹐本身只有自住物業既唔太會理﹐但慢慢都會感受到樓換樓都難左。本身無自住物業既就更加賴野。如果你有留意新聞﹐之前有一單居屋以接近私人樓價格成交。近排政府打算活化居屋﹐增加成交量。咁到時連居屋都炒埋﹐本身無自住物業既一係挨個好貴既租﹐一係訓街。個人工升幅根本追唔到﹐除非你突然發達。

另外想回應一點﹐如果政府再推一次八萬五的話當然會大家攬住一齊死﹐但唔玩8萬5同唔係完全回事囉

gundamrx782

讀完大學都係得 3K 一個月，唔係個人有問題，我真係唔知仲可以賴什麼。
hk小文 發表於 26-2-2010 07:44 AM

我意思唔係話有一個人3k一個月﹐而係根據你既講法﹐就算香港學生畢業平均人工跌到去3k都會係大學生問題。



BTW﹐我而家真係3k一個月:x

路人丙

嗯﹐你講左今次政府個矛盾位o係邊………
之前有一單居屋以接近私人樓價格成交。近排政府打算活化居屋﹐增加成交量。咁到時連居屋都炒埋﹐本身無自住物業既一係挨個好貴既租﹐一係訓街。
gundamrx782 發表於 26-2-2010 12:28 PM

如果你樣樣睇失實報導我冇話可說,
居屋以接近私人樓價格成交 < ----
補左地價,仲要係筲萁灣區王,同天水圍私樓去比.
佢唔拎同區既太古城去比?

筲萁灣同區細既新單位去到300萬,
以面積去計,居屋實用面積大之餘仲要賣2百頭有咩問題?
地少既區份樓價貴有咩問題,哩個係世界性問題.
天水圍居屋最細單位唔過一百,你唔去比較下?
有冇聽過有錢食魚翅冇錢食粉絲哩個道理?

總之依家d人搵唔到著數就政府食屎狗,
有著數就嫌唔夠都係政府食屎狗,
但從來冇諗過唔靠政府靠自己,
每年收你果少少稅就日日咒人娘親,人地冇父母生呀~~?!

gundamrx782

其實好多人覺得果D30幾年樓齡300幾400呎唔過一百萬&#22021;樓唔係樓黎架.
而家個個人只會識睇新樓, 要200幾 ...
DIG 發表於 26-2-2010 11:04 AM

    首先一樣野﹐後生既從來無話要有會所先買﹐你唔好以為曾俊華話D後生個個要有會所泳池就以為係。有幾多樓係二百幾萬有會所﹖
o係香港而家買樓主要都係為結婚﹐希望可以有頭家。o係而家既環境之下3,400尺你真係覺得夠一家人住﹖當然你可以話以前六十年代既家庭成家十個都係住D咁既地方﹐比起黎我地已經好好多。我老豆都係咁挨層私人樓出黎。但當年出黎做野你肯做就OK﹐而家仲要好多學歷……
而家個炒風既問題係連D平價樓都開始波及埋﹐甚至連居屋都入埋市場。
我就2011畢業﹐我都想知我畢業時究竟仲有幾多100萬既樓囉。
而且你都希望比個好D既環境小朋友啦﹐係咪﹖同埋而家香港競爭大左﹐隨時比人炒左之前o個三四十萬就晒落海﹐分分鐘十幾年心血就咁無晒﹐一個人生可以有幾多個十幾年﹖我當你20出黎做野﹐儲首期儲到35歲去買樓結婚﹐儲左40萬﹐跟住連埋利息分分鐘要多30年﹐咁就65啦。退休呢﹖生小朋友呢﹖自己既生活呢﹖
用一個人一生去供一層四百尺既樓﹐你真係覺得咁樣無問題﹖

gundamrx782

如果你樣樣睇失實報導我冇話可說,
居屋以接近私人樓價格成交 < ----
補左地價,仲要係筲萁灣區王,同天水 ...
路人丙 發表於 26-2-2010 12:53 PM

我幾時有同天水圍斯樓去比﹖
居屋天價 福建新移民締造&#8232;平民住宅東旭苑 呎價達六千

【明報專訊】內地投資移民來港數目，自03年起屢創新高，他們不單頻掃豪宅，最近連普羅大眾的居屋市場，也見其蹤影；本報早前報道，筲箕灣居屋東旭苑一個單位於自由市場以489萬元、呎價5899元易手，成為97年11月以後香港最貴的「天價」居屋成交。本報最新發現註冊的新買家，原來是福建體育用品商——東方奧力的董事長蔡奕和，該公司向本報表示，蔡購入該單位作投資移民，而且還會再購買更多香港物業。

該單位原業主顏先生表示，自己從事地產相關行業，早已預計到該單位因成交價驚人，所以會引起大事報道。他表示，數月前透過該區的細代理行放盤，因為加上補地價後的價錢太高，一直不覺得能於自由市場可賣出，但結果出乎意料。

賣家：他們不太介意價錢
顏先生表示，簽約時的條款是，他實收308萬元，然後買家負責繳付批出的補地價，最終補地價批出181萬零530元，較原先估計約140萬、150萬元為高。

顏稱﹕「蔡生對多付數十萬元，無大意見，所以繼續完成交易」。他續稱﹕「不能說內地買家不問價掃港樓，但感覺上他們對價錢不太介意」。

顏認為，買家願以「天價」承接該居屋的原因，是因有親戚購入同一棟樓的低層單位，以及東旭苑屬「康和式」套房，而這類間隔在港島少見，另因單位享有海景。

本報日前致電蔡奕和旗下東方奧力公司位於福建省石獅市的總部，該公司表示，蔡購入該單位是作投資移民，而且還會再買物業，以滿足650萬元的申請門檻，但不願再透露詳情。據了解，蔡的一名親友已購入東旭苑低層一個單位，而該親友極力游說購入買入同廈單位，單位會先給女兒居住，之前蔡已於將軍澳購入一個私宅單位，所以於本港樓市投資已超過650萬元。

買家為體育用品商董事長
根據東方奧力以及內地服裝相關的網頁介紹，該公司於1991年開業，公司建築面積逾15萬方呎，主要生產運動休閒服飾，年產值近1億元。

據了解，蔡曾經於鯉景灣及杏花村等睇樓，但認為東旭苑樓齡較新，所以購入。其實以489萬元於同區絕對可以找到3房(連套房)的私樓，如鯉景灣10座怡坤閣6樓G室，面積751方呎，實用面積669方呎(較上述屋居大19呎)，剛以490萬元成交，呎價6525元。本港歷史上最貴的居屋成交是於97年7月錄得，側魚涌康山花園3座30樓B室，面積717方呎，當時以560萬元成交，呎價7810元。

上述東旭苑「天價」居屋的裝修只是一般，而景觀並非較正向海景，只屬屋苑的「一線尾、二線頭」質素單位。單位實用率只有78.4％(實用面積650方呎)。


明報 2010年2月4日
李鄭屋村公屋單位價178萬稱王

中原地產研究部聯席董事黃良昇指出，2010年1月份共錄得9宗逾一百萬元的二手公屋買賣登記。其中，位於長沙灣李鄭屋村廉潔樓25樓一單位，成交價高達 178.58萬元，打破2008年2月沙田博康村博泰樓一單位以165.0萬元售出單位的記錄，創出歷來二手公屋買賣的新高。顯示隨著本港經濟及樓市轉 旺，二手公屋價格不斷上升，帶動大額公屋交投越來越多。

1 月份其餘8宗百萬元公屋登記分別位於：黃大仙東頭村祥東樓3樓一單位(錄150萬元)、長沙灣李鄭屋村禮讓樓6樓一單位(錄142.8萬元)、黃大仙竹園 北村松園樓16樓一單位(錄133萬元)、藍田德田村德瑞樓26樓一單位(錄133萬元)、黃大仙東頭村耀東樓17樓一單位(錄128萬元)、黃大仙竹園 北村桐園樓12樓一單位(錄120萬元)、將軍澳景林村景松樓19樓一單位(錄113萬元)及將軍澳景林村景櫚樓10樓一單位(錄103萬元)。另外，自 2000年9月開始有記錄以來，歷年達一百萬元的二手公屋買賣登記已累積至180宗。

2010 年1月份二手公屋買賣合約登記錄得29宗，總值2,782.7萬元。因為1月有多宗高價公屋登記，所以令1月的公屋登記金額較去年12月的2,543.4 萬元上升9.4%。而1月份的二手公屋買賣宗數較去年12月的31宗，輕微下跌2宗或6.5%。反映本港樓市氣氛暢旺，加上失業率下降及薪金上調等因素， 刺激公屋居民的置業信心，以致二手公屋交投保持平穩。

按各屋村統計方面，今年1月份上水天平村錄得3宗買賣登記稱冠，總值275.0萬元。長沙灣李鄭屋村、黃大仙東頭村、黃大仙竹園北村、將軍澳景林村、粉嶺華明村、藍田興田村、大埔富亨村、黃大仙鳳德村、青衣長安村及屯門良景村各錄得2宗買賣登記。


新鴻基地產(00016.HK)旗下的新盤，元朗YOHO MIDTOWN公布首批單位價單，首推50個中層單位，建築面積介乎五百至一千二百呎，以建築面積計算，呎價介乎四千五百幾元至九千幾元，平均呎價五千二百元，若以實用面積計算，平均呎價約六千七百元，較同系YOHO TOWN第一期貴近三成。 YOHO MIDTOWN共有八座、約一千八百九十個單位，建築面積由四百幾至一千四百呎不等，當中有一半是兩房單位，預計第三季入伙。


間居屋二百頭﹖﹖
份報導邊度失實呀﹖我都想聽下唔同既意見﹐請指教。

政府其中一個職能係平衡各方利益。當有人覺得政府做唔到呢個機能甚至掉返轉時候﹐出黎嘈有mud問題﹖
如果魚翅係貴價樓﹐粉絲係平價樓﹐而家粉絲都開始當魚翅咁賣﹐咁未來好多人唯有食屎啦:x

路人丙

回復 40# gundamrx782
居屋以接近私人樓價格成交 < ----
補左地價,仲要係筲萁灣區王,同天水圍私樓去比.
佢唔拎同區既太古城去比?

筲萁灣同區細既新單位去到300萬,
以面積去計,居屋實用面積大之餘仲要賣2百頭有咩問題?

你係唔識計定係唔識睇?
"筲箕灣居屋東旭苑一個單位於自由市場....."
自由市場係已"補地價"既居屋!!!
你有冇睇到我上文話已補地價既居屋同私人樓係同價?!
細既新單位去到300萬,居屋係同區7折,2百頭有咩問題?

EvilCat

而且你都希望比個好D既環境小朋友啦﹐係咪﹖同埋而家香港競爭大左﹐隨時比人炒左之前o個三四十萬就晒落海﹐分分鐘十幾年心血就咁無晒﹐一個人生可以有幾多個十幾年﹖我當你20出黎做野﹐儲首期儲到35歲去買樓結婚﹐儲左40萬﹐跟住連埋利息分分鐘要多30年﹐咁就65啦。退休呢﹖生小朋友呢﹖自己既生活呢﹖
用一個人一生去供一層四百尺既樓﹐你真係覺得咁樣無問題﹖
gundamrx782 發表於 26-2-2010 01:21 PM

多口問句, 請問閣下有冇意思要您將來位嬌妻返工呢?
定係會為&#21655;俾個好 d &#22021;環境俾小朋友, 想佢日日留起屋企做少奶奶, 好媽咪
小朋友大&#21655;亦唔使憂, 完全唔使好似樓主咁做孝子, 花時間為自己屋企盡返一分力...
至於您自己就用一生去供一層四百尺&#22021;樓, 撐起一家三口&#22021;終生生活費呢?

路人丙

多口問句, 請問閣下有冇意思要您將來位嬌妻返工呢?
定係會為&#21655;俾個好 d &#22021;環境俾小朋友, ...
EvilCat 發表於 26-2-2010 02:19 PM

可能佢覺得雲吞麵永遠要12蚊碗,樓價永遠要100萬先叫正常卦..........

香港人

多口問句, 請問閣下有冇意思要您將來位嬌妻返工呢?
定係會為&#21655;俾個好 d &#22021;環境俾小朋友, ...
EvilCat 發表於 26-2-2010 02:19 PM

:34: 老婆果份糧要黎養個細路, 養到讀完大學都廿幾年啦~~!!!

路人丙

依家好多大學生都好悲哀,
未畢業就抽定公屋,計晒自己之後30年可以賺幾錢,
冇諗過自己可以嫌到更多錢,一味坐井觀天........
可能佢地叫哩d做計劃,但我覺得哩d叫冇大志......
唔係想辨法嫌300萬,而係去想辨法要人地減到100萬.