[原創][玩具改造] EMIA MS-06R-1/A AG阿鈉比•賈圖軓用高機動型渣古II

siegheil

因為自己懶，所以唔砌模型，以前砌過唔少高達模型殘骸，近幾年就真係咩都冇。依家玩MIA、HCM Pro果啲即開即玩嘅，話哂都係香港人，梗係要即食！今次就搵隻賈圖專用MS-06R-1/A試吓。其實我都係第一次試玩改造，而且連模型經驗都冇，希望各位大大俾啲意見。我自己以「玩」為大原則，所以，唔打算油得太「靚」，舊化果啲暫時都懶得做，亦冇功力做...而且我久唔久就會郁吓啲機...擺吓唔同姿勢，影吓相咁...

原文：http://hk.myblog.yahoo.com/siegheil.leoyeung/article?mid=8166
因為原本都係我自己寫嘅，所以都算[原創]...掛？

相簿：http://hk.myblog.yahoo.com/siegheil.leoyeung/gallery?fid=180
如果死咗link，請自己去相簿度睇 - 不過仲未噴色...

截錄：


今次改造比較簡單，原本打算只係搵隻黑色三連星版嘅MS-06R-1/A重新上色就算，但後來發現，其實大部份設計，MS-06R-1/A同MS-06F都一樣，特別係上身，所以，最後決定用EMIA嘅MS-06F，再配MIA 2nd version嘅MS-06R-1/A 3S零件，改造成靈活性較大的成品。
EMIA的關節設計比MIA要靈活得多，活動範圍較大，而且外形亦比較美型，線條較流暢，今次改造，使用了下列的零件：
EMIA MS-06F -
頭部、上/下身、手、大腿、膝蓋關節、腿部喉管以及武器。
MIA 2nd ver -
引擎背包、小腿、腳掌。
對玩開模型嘅人嚟講，改造過程簡單至極，只係小小整形就可以，包括膝蓋關節、腿部喉徜、背包等。但對於連一隻模型都未成功砌過(只砌過一堆堆高達模型殘骸)嘅我嚟講，可算是一步一驚心。特別係幫膝蓋部份整形同切斷腿部喉管果時，真係好驚切錯咗返唔到轉頭..當然，最大問題係我係一個冇耐性嘅人，切果時梗係一刀切啦~哈哈~如果慢慢磨，就梗係唔駛驚啦~
首先將膝蓋關節底部前面凸出嘅部份切去，否則根本裝唔落06R-1A對腳度，切果時，當然冇先劃好範圍再切啦~擺明就係膽搏膽...一切..ok，磨返滑個邊，同將兩邊整形到接近一樣(到最後都係唔一樣)，然後用力一按，就連接好，呢部份算係簡單。但發覺原本打算使用嘅喉管唔多適合，當接合後，膝蓋屈折果時，會拉扯喉管，限制咗活動範圍，於是就地取材，改用06F嘅喉管，因為兩機腳部設計不同，喉管需要切短才能使用...當然..又係冇劃位啦~膽搏膽搏多次...一切...少咗，唔緊要，再切...半格！好~都仲未夠，切埋最後半格，啱啱好！效果一流！
雙腳裝好之後，雖然小腿連接位的活動範圍比EMIA少了一點，但由於大腿連接部份靈活性能夠保留，效果已經不錯，可惜，唔能夠再單膝跪啦~膝蓋部份切口正好頂住小腿的膝蓋護甲，使機體可以直立，唔會因為關節冇力而跌低。然後就到背包！先將06F嘅腿部喉管拆去，切去背包，切果時留返少少，以防萬一06R-1A嘅背包未能完全蓋住，都有一部份零件喺度，冇咁礙眼，整形後，背包接合位簡直完美，美中不足之處，就係腰部喉管，06F嘅喉管與背包接合位置較高，所以喉管造成彎各上的形態，但06R-1A的喉管與背包接合位，則較低，喉管於側面向後拉直接入背包，這裡似乎還需再作整形..不過暫時就算啦~頂住先啦！
另外一點就是右邊膊頭的盾牌，因為內側裝甲細節設定資料不足，所以暫時仍使用06F的零件，如果將來可以最得更進一步嘅資料，再決定點處理。
完成之後，OK~唔錯！只係用咗一個鐘唔到嘅時間，第一階段就完成咗，算係咁啦~到目前為止，還算滿意！所以，第二階段我決定囉出去俾人噴，自己唔噴！哈哈~咁就唔怕衰收尾啦~！等多一排就可以搞架啦~依家擺住先啦~！

siegheil

如果有大大可以仗義幫忙噴油...我就心滿意足，死得眼閉啦~

SARU

支持！
二合一成本黎好似貴左d......但強烈提議樓主自己上埋色，因為靚與唔靚都係自己一手一腳改出黎，感受好唔同~:handshake:

siegheil

自己上色會前功盡費架~只要個idea行得通，出嚟效果好我就開心。而且我都係「玩」玩具開心啲~

sam1984111

哈哈.....樓主大大同我既心態一樣....

Coffeefee

Support!