Final Fantasy XIII 集中討論區

side3net

原帖由 Vince 於 22-12-2009 03:35 PM 發表
重點變左研究點樣打怪獸  

12章........標準六隻召喚獸攞晒啦...

----仍然係直行既....
----仍然係無迷可解既...
----仍然係唔係好需要買野既...
----仍然係唔係好需要同人傾計既..
----仍然係不斷咁港漫式打打打既....
----仍然係唔知做咩既所謂改造系統.....(真係好低能, 就係將每樣野既數值加加埋埋炒埋一碟就叫武器升級)
----可以改變武器屬性既素材仍然係用唔到, (主角既武器已經LVL 9啦)
----最憎恨既系統...全身只可裝備三樣裝備..............

岩岩去到下界既大平原, 地圖真係大到成隻ONLINE GAME咁....
呢處真係要小心, 完全無提示之下, 你會發現地圖上邊好多魔物都係勁到九彩既...
特別係好大隻果D龍, 成隻戰艦咁大隻, 唔好以為係活動背景, 原來一樣可以打既..不過係比佢打..一擊打中"雷光小姐"達9995損害....即死...(好在今集GAME OVER唔係係SAVE POINT再黎, 唔係真係想殺人)
從呢點好明顯你睇得出, 今集一定有"HP限界突破, 攻擊力限界突破"你玩, 相信後期或者CLEAR後, 呢個平原會係攻略重點.

CIIA

原帖由 side3net 於 23-12-2009 03:13 PM 發表
呢隻乜係RPG黎架咩? 點解我唔知既?
呢隻FF XIII, 我橫睇掂睇都係一隻"指令版" DEVIL MAY CRY....
一般RPG有既野:
1)收集情報, 呢隻野係無既..入村搵人呢樣野係唔存在既....
2)解謎呢樣野...亦係唔存在既....個個 ...

我唔係咁覺得佢係一隻RPG會唔合格
FF系列賣畫面,已經係重點之一,買來玩的人都應該知依個事實~
再者如果係飛動畫,飛劇情,只睇攻略去玩RPG的人,我覺得佢完全唔有資格去玩RPG.
因為佢連RPG意義都唔知係咩野.

黑色三連敗

原帖由 side3net 於 23-12-2009 03:27 PM 發表


12章........標準六隻召喚獸攞晒啦...

----仍然係直行既....
----仍然係無迷可解既...
----仍然係唔係好需要買野既...
----仍然係唔係好需要同人傾計既..
----仍然係不斷咁港漫式打打打既....
--- ...

睇完大大講o既野~~~已經完全唔想玩lu :die: 可能我仲係好鍾意個d要係村收集d情報先可以解迷, 超正迷宮, 感人劇情(唔係齋情愛個隻), 分晒職業等 :unhappy: 而家好似ff = 華麗過場畫面 + 複雜戰鬥系統 + 打怪獸, 好似少左d野咁 :no:

side3net

原帖由 CIIA 於 24-12-2009 08:49 AM 發表

我唔係咁覺得佢係一隻RPG會唔合格
FF系列賣畫面,已經係重點之一,買來玩的人都應該知依個事實~
再者如果係飛動畫,飛劇情,只睇攻略去玩RPG的人,我覺得佢完全唔有資格去玩RPG.
因為佢連RPG意義都唔知係咩野.

好啦, 呢個問題其小櫻係之前既POST有答過..
大佬, 有樣野一定要知既係
香港真係唔係好多人有日語二級程度以上...(理論上要四級以上先睇得完全明白)
而事實上, 香港真係有大把人係飛劇情, 不過唔飛動畫既人存在既..
你睇機戰就知, 香港10個所謂機戰FANS, 絕對有八個以上都係根本唔知每集機戰係講咩既但係又不斷打打打既

你話FF賣點係畫面, 其實有邊隻GAME既賣點唔係畫面?
好多人認為DQ賣點唔係畫面, 呢D只係一D對"軟件藝術"無知既人先會有呢個想法.
以PS2既FF X同DQ VIII比較, 其實有少少常識都好易睇得出DQ VIII"畫面"絕對優於"FF X"
再以PS年代既FF同DQ比較, DQ既全景REAL TIME 3D實質已經比FF既CG背景硬照高班得多.
但係人係無知既, "真實系"永遠睇落去就係比"童話色彩"既表現手法高出一線.

FF XIII係好靚, 但係其實震撼度已經大不如前, 主要係對手已經有能力去做到呢樣野.
觀其現況, 係畫面表現手法上, 能同FF XIII比較既作品市場上大有人在.
只不過, "名牌效應"之下, 外間只對其注意而忽視其他對手咁解姐.
講靚又同風格既RPG, 使用UREAL引擎既LOST ODYSSEY已經好超班
即使SE自己, THE LAST REMNANT及INFINITE UNDISCOVERY唔比FF XIII差得幾多.
更加唔好提其他類別既遊戲例如COD, HALO等等
所以你話賣點係靚, 呢個只係其中一個SELLING POINT
就等同一舊好靚既蛋糕, 點靚都好, 都係要黎食既, 咁首要都係"好食"先得架!
而FF XIII就正正好似一舊一流賣相既蛋糕咁, 用左最靚既食材, 但係味道就如同三流蛋糕一樣....
FANS既期望其實好簡單, 你做到LAST REMNANT咁既質素+FF X既風格, 其實已經收貨有餘架啦
我唔係覺得FF XIII差, 相反我覺得作為一隻遊戲, 我仲覺得好高質素, 其製作絕對值得你付出799大元去試(行版649)
問題只係, 佢完全唔可講係一隻RPG咁解姐.

side3net

小小提示: 當各位去到大平原既時候, 只要唔好跟住箭咀, 而係首先做MISSION 1, 完事後再做MISSION 2, 四圍走走, 就會有新既劇情同過場動畫出現.......

AIIC

原帖由 side3net 於 24-12-2009 02:19 PM 發表


好啦, 呢個問題其小櫻係之前既POST有答過..
大佬, 有樣野一定要知既係
香港真係唔係好多人有日語二級程度以上...(理論上要四級以上先睇得完全明白)
而事實上, 香港真係有大把人係飛劇情, 不過唔飛動畫既人存在 ...

我估依位大大一定冇玩過”ｉｄｅａ　ｆａｃｔｏｒｙ”的game,佢的新天魔界同新紀幻想系列
賣的只係兩樣野!
1.)故事的連貫,雖然2隻game系統係唔同,但故事係連貫
2.)新天魔界的戰鬥系統
我完全唔覺佢有咩野畫面可以賣,(ps3的game做出ps的畫面)

另一個問題唔明日文走去買隻日文game,一個願打一個願捱,
佢又唔係唔出英文版(3月出),買時都知道佢冇得較中文/英文,
咁買左就唔應該大大聲咁講因為唔明日文而飛劇情~而令到佢冇樂趣.

side3net

原帖由 AIIC 於 25-12-2009 12:45 AM 發表

我估依位大大一定冇玩過”ｉｄｅａ　ｆａｃｔｏｒｙ”的game,佢的新天魔界同新紀幻想系列
賣的只係兩樣野!
1.)故事的連貫,雖然2隻game系統係唔同,但故事係連貫
2.)新天魔界的戰鬥系統
我完全唔覺佢有咩野畫面可 ...

你已經講左問題既根源, 所以無需多講..
IDEA FACTORY既RPG就係正正係其中一隻例子--- 一隻畫面唔夠班但係好明顯係一隻RPG既RPG
FF XIII就係一隻畫面好超班但係完全唔似係一隻RPG既所謂RPG
所以, 就正正係先前提及既蛋糕道理一樣.
賣相好固然重要, 都要好食先得架..
IDEA FACTORY米就係一件賣相好差既蛋糕囉
FF XIII米就係一件賣相精美, 但係食落完全唔似係一件酒店級蛋糕既蛋糕囉..
為左外國市場, 將FF改成咁樣
(FF由XII開始, 已經越黎越似一隻單人版ONLINE RPG)

其實等於同你講日式RPG已經投降..

好啦, 你講開差畫面, IDEA FACTORY都唔算最差
史上最差既PS3軟件, 係無限地帶23, 完全係一隻DOS年代質素既軟件.
(好不幸既係....我賴左野...)

AIIC

原帖由 side3net 於 25-12-2009 06:06 AM 發表


你已經講左問題既根源, 所以無需多講..
IDEA FACTORY既RPG就係正正係其中一隻例子--- 一隻畫面唔夠班但係好明顯係一隻RPG既RPG
FF XIII就係一隻畫面好超班但係完全唔似係一隻RPG既所謂RPG
所以, 就正正係先前 ...

其實ＲＰＧ只是角色扮演，同個戰鬥系統完全無關係．．．．．
我指出個２隻IDEA FACTORY就係一個例行．．

X-JAPAN

2位~好似越講越遠咁WOW~~~:78:

小櫻

呀... 再來打搞一下...

查實小櫻無買亦無諗住玩這個其實又沒資格在此呃Post... 不過既然小的名字被出現了... 唯有說幾句個人意見吧...

以下真的完全是小櫻的個人絕對偏頗主觀的看法... 各位看觀如果認為小櫻胡扯的話就請高台貴手... 多多包涵...

一直以來... 所謂RPG (Role Play Game)... 是Video Game中最高等級的遊戲種別... 因其需要玩者有多種遊戲技能... 同時亦要大量根性才可完成遊戲...  某程度在難度上比其他像格鬥、賽車之類只要眼明手快工多藝熟就得輕易破關而且單一流程又不長的遊戲更高... 而且RPG遊戲經不斷進化之後... 已經加入多樣元素... 使得遊戲內容更多姿多彩... 所以深受「資深」玩家歡迎...

小櫻不懂歐美式的RPG... 就以接觸過的少量日式RPG遊戲來說吧... 查實玩RPG呢... 某程度給自己有點「高級」的感覺... 因為玩日式RPG... 起碼要懂點日文... 而且字也不少吧... 如果說給人家聽自己玩某某RPG Game... 某程度也有自已很捧的感覺... 呵呵呵...

不過事實呢... 查實自問自己的日語水平絕對是有限公司... 玩例如機戰級數的日文還可以... 但到RPG時... 很多系統解說... 解謎提示就可能看不明白了... 這時候就要看港產雜誌的攻略... 初時真的是對著本攻略來行的... 但後來又覺得那些攻略進度慢不突止... 而且資料有時會錯誤的... 跟著打不單止拖慢自己的腳步... 更令遊戲失去樂趣... 所以小櫻現在也很少買RPG Game了... 因為真的買回家看了OP之後玩一回兒之後發現不懂就放抵了... 所以為何小櫻雖然也有PS3... 也不去買這個FFXIII而走去買PSPQB的原因... 因為就是不想浪費...

至於這遊戲好玩不好玩... 地雷不地雷... 就真的見人見志了... 不過... 大拿拿幾百元買隻要花大量精神時間才完成的遊戲... 如果說不好玩的話豈不是很不值？... 所以自我催眠又好... 自我安慰又好... 總之就把遊戲玩過夠本... 從而發掘其好玩之處... 如果真的玩不掂的就說自己「未能達到這個境界」吧...

再說的話內容就會暴走... 所以就此打住... 祝各位玩過痛快...

呵呵呵...

小櫻上

[ 本帖最後由 小櫻 於 26-12-2009 02:12 AM 編輯 ]

夏娜

:( 打到去 Hope 間屋  唔想走......

mirage

倒是打到第九章boss前唔到行,果班聖府兵幾易打,幾個人加埋cp值都有四五百,仲會跌個賣2500的東西...
在那刷一下好像不錯

side3net

第十一章攻略中.
並唔係卡關, 而係唔願郁.
基本上, 最後地段白沙之鄉已經玩完左, 隻大腦都殺埋, 面前有隻飛空艇等緊"車"我返COCOON
不過, 我就死都唔上去, 點解...因為由12章開始至13章完結, 將會係不停既"打打打", 絕無休息空間..
真係一直打到完場既一本道O制連打遊戲.....

又講返11章, 呢一章既大平原係成隻GAME唯一有趣既地方(其實都係一般, 不過之經過之前十章既折磨後, 咩都有趣架啦.)
任務我就做左好多啦, 基本上, 連真如系列任務都做左三個, 目前只有"斷層"任務係未開既
隱藏野基本上都發掘得七七八八, 原來並唔係想像中咁多野
在此先行講下土炮GAME書都未講過既野:

1)11章各相連地段都有一個用來TELEPORT既冥碑,
要做左該冥碑既任務先可以打開其TELEPORT功能, 請務必完成, 將來來回可節省不少時間

2)紅色冥碑是解開封鎖路段用的, 分別有三個, 用以解開亡都, 魔都及斷層

3)坑道的最終點可搭乘FALCIE至下一場景, 其實到步後你是可以再次進入FALCIE返回坑道, 就可以開出另一條坑道上的隱藏道路.

4)TOWER的守護神任務完成後需要先把最後中央的升降機打開設定成可直通一至七層的狀態後, 才去頂層拿取任務
否則, 即使你已有任務在身, 但在未解開升降機前取得任務是不會引發六死將的EVENT的, 很多人就卡在此處, 不知如何跳入一層中央
其實是不用的, 引發EVENT後, 六死將其中之一是會自動來找你的.

5)任務欄的等級確是有一定參考價值, 但不太要盡信, 因為有個別特別任務比較特殊, 明明是RANK B但對方實力可是RANK A般強勁.
特別任務中最特別的其中之一是魔都的六死將之一的任務, 當玩者以為是要撃倒六死將之一的時候, FF的名產品"油燈怪"會跑出來用"包丁"秒殺之, 之後就會變成玩家對"油燈怪" 看似不難應付的油燈怪如果玩家未能在其"強化"前殺之, 即代表你未夠實力, 慢慢打CP再回來吧. 利用JAMMER+ ENC看似很容易就可扣其大量血的油燈怪, 強化後會HP全滿, 物理攻擊強化....最要命的是...有一招即死招式...
別指望可以打break他, 他的break 值是777%, 另一變態MISSION是"巨型仙人掌", 一招"針萬本"絕對可秒殺我方任何一人....

最後想講下武器變換問題, 筆者主角的武器已變了第二階段, 目前是LVL 26(第一階段星級需要26個LVL),
此第二階段武器需要LVL61再加一件值二百萬的素材才可變成最終的"ULTIMA WEAPON"(LVL46)
太遙遠了....不知何年何月才可到手...

[ 本帖最後由 side3net 於 27-12-2009 02:39 PM 編輯 ]

side3net

油燈怪---- 完勝...
已經進入斷層並CLEAR左斷層, 但係未玩晒成個斷層, 某D路線實在太難打啦..
仙人掌仲未知點殺.....針萬本一擊即死...
大平原條大龍一擊又係9995, 唔知點殺....

武器轉換最終形態既素材每粒二百萬, 又係唔知點存錢去買...
仍然係打死唔想上12章....

side3net

當打到無野好打既時候...即係, 可以打低既已經打低左, 打唔低既好明顯要等齊晒野兼上埋LVL10面版先可以嘗試....
目前難關係:

1)斷層既三隻油燈怪及意志之盾
2)真如任務既最後一關
3)仙人掌..........

可以升既已經升盡, 就係因為咁, 終於決定去挑戰12章...
而結果係..........
由12章開始, 就係不停地打...打到完場..
應該六, 七個小時無走架啦
最後佬連續三場, 話難唔難, 話易唔易..總之就係一次都無死過

結局畫面...呵呵呵...10分鐘左右, 平平無奇...
完全唔感人, 亦唔投入, 無咩氣氛可言, 甚至可以講係無里頭
有幾個配角仲係到最後完全無交代, 慘成大茄
玩完SAVE, 面版自動更新上LVL10
仲多左兩個傳送點, 一個係返聖府, 另一個係返下界
方便你做埋任務, 賺錢同賺CP, 都算貼心
起碼我終於睇到賺"兩球"野既曙光, 雖然都係好遙遠下....(香水賣皮半野一支)