Final Fantasy XIII 集中討論區

Vince

x ... 你唔係想等到佢出 the best 版 下化 ...
話時話 ... 我覺得今次 FF 都幾雷 ... kakaaa :38:

side3net

極度不之所謂既FF XIII
所指既唔係隻GAME, 而係價錢.
之前其實都講過, 當P2P, GVG呢D手提遊戲都可以賣成四舊幾五舊仲大把死士出手既時候.
就係因為呢D指標, FF呢D所謂大作, 又點可能唔炒起. 苦既, 只係真正既玩家.
睇黎, 捱貴GAME既時代又返黎啦.

而結果, 行貨都成649, 日版更要799
根本係貴到離譜, 你對返個日元價+折扣優惠, 再對應返本地指水, 根本點都無可能係$649
(隻野9240日元, 實際扣稅後係8800日元, 而係日本買軟件基本上一定有折扣, 就算即日排隊一般都係七千日元左右, 加埋POINT CARD應該唔過六千日元左右)
第一日出貨, 原本門口價799既日版大部份貨已經係晒寶記手上.
太陽都未落山, 個價已經變晒950至1050啦..
行貨價都去到685...

又講下部LIGHTING PACK, 話就話叫限量版.
但係我完全唔係好覺點解"行貨"可以賣呢個價.
一來, "行貨"收藏保值度向來係"有限公司"
筆者儲機儲GAME咁多年從未見過有"行貨"最後係"升值"既.
二來, "部野"從來都無講過"限量"幾多台, 機身又無"編號"
我一直覺得部野比我既感覺就係"好靚"...靚到根本係唔捨得用果隻.
加埋PACKING隻軟件又係特別封面, 基本上更加係唔會拆封既.
而最重要既一點係, 我睇見市場上邊實在係"好多貨"
多到係"堆晒"出黎. 所以筆者實在係好有疑問究竟佢係"限量版"定"紀念版"(指行貨版)
所以, 筆者真係會勸大家, 如果未出手又打算買LIGHTING PACK既, 鋇定目標係水貨日版身上
另外再買多隻普通版用黎玩就岩架啦.
反正普通版首批出貨量達一百萬, 一定係唔會升值既

Vince

原帖由 side3net 於 18-12-2009 11:15 AM 發表
極度不之所謂既FF XIII
所指既唔係隻GAME, 而係價錢.
之前其實都講過, 當P2P, GVG呢D手提遊戲都可以賣成四舊幾五舊仲大把死士出手既時候.
就係因為呢D指標, FF呢D所謂大作, 又點可能唔炒起. 苦既, 只係真正既玩家 ...

side3net兄 ... 咁其實你買左隻 game 未 ???

mirage

原帖由 side3net 於 18-12-2009 11:15 發表
極度不之所謂既FF XIII
所指既唔係隻GAME, 而係價錢.
之前其實都講過, 當P2P, GVG呢D手提遊戲都可以賣成四舊幾五舊仲大把死士出手既時候.
就係因為呢D指標, FF呢D所謂大作, 又點可能唔炒起. 苦既, 只係真正既玩家 ...

老實說,我地又唔係係日本,買game邊到會平到咁
game店做生意都要賺錢的,是玩是收藏, 值唔值肯唔肯比錢都是因人而異而已

td的老話是很合用的 - 早買早享受,遲買平幾舊

side3net

又講下隻野:

今集地雷度高唔高暫時仲係言之過早, 始終筆者玩左唔係好多數
不過, 暫時感覺係, 好一般.
戰鬥系統簡化得離譜之餘, 仲改到成隻ACTION GAME咁...
筆者最憎就係呢類戰鬥方式, 成隊人全部AI, 可以控制既就只有一個人...
上次係FF XII已經證實係失敗之作, 唔明點解仲黎一次, 正正經經既戰鬥系統唔可以咩?

開場既流程幾乎同年中既FF VII BD版附送既體驗版係一模一樣, 所以無咩特別驚喜
故事方面, 我覺得幾失敗, 失敗於唔係故事唔好(也只是剛開始, 好不好暫時不知道)
失敗在於說故事的手法, 你如果唔睇"STORY"果個指令, 你其實根本係唔知佢開場究竟講緊乜既.
你知道既只係三方人一開場就係咁打打打, 成本港漫咁....
簡直就似睇緊聖經同歷史書, 無左本"第三方"參考書你唔會明既道理係一樣.
即係, 我諗你入場睇戲都唔會"帶住本書"入去一邊睇, 一邊參考本參考書掛...
呢個開場講真, 真係幾失敗, 同FF IV, VI, VII, X既開場真係差天共地.
MISTWALKER既LOST ODYSSEY既開場就不知好佢多少倍啦.
足證明, 無左板口博信既FF其實已經走緊下坡, 暫時既不滿就係咁多.
畫面表現上係無可挑剔. LOADING時間又快......

又講下EVENT, 日本HOME有一連串關於FF XIII既活動, 係日本SHOPPING MAIL已經有LIGHTING既套裝賣
另外, 又送你一間FF XIII既屋, 黎緊一月頭仲會有"聖府展示室"公開
反觀香港..真係叫佢食蕉把啦: HOME上完全無任何活動.
仲要SERVER係聯合國SERVER, 韓仔, 台仔, 國內仔, 香港仔全部用埋同一個SERVER:
係日本, 已經開左好多新既地方, 又有FIFA CUP展館, 又有MUSIC館等等..
真係唔知亞洲幾時先有.....

side3net

原帖由 Vince 於 18-12-2009 11:28 AM 發表


side3net兄 ... 咁其實你買左隻 game 未 ???

買左日版:
原因係----接受唔到個"輔"字LOGO

side3net

原帖由 mirage 於 18-12-2009 11:38 AM 發表
老實說,我地又唔係係日本,買game邊到會平到咁
game店做生意都要賺錢的,是玩是收藏, 值唔值肯唔肯比錢都是因人而異而已

td的老話是很合用的 - 早買早享受,遲買平幾舊

真係唔好意思, 你既思維係好唔岩, 就算係TD老話都係咁講
GAME店做生意要賺錢唔代表可以亂黎.
就正如你坐的士起錶係15蚊, 就係15蚊, 你可以平比人, 係你既事.
但係, 你唔可以貴
我諗你坐的士既時候, 如果個司機收你廿皮起錶, 同你講
快去多幾舊, 遲到平幾舊, 唔知你會唔會又覺得好值得呢?
呢個就係PT, 早買早享受係指早買就係等於"以建議售價"購買, 遲買就係等"折扣"價
並唔係等於早買就係等同"炒價". 唔該真係唔好成日都以"做生意"要賺錢為籍口而去強迫"原諒"呢種行為:
筆者好肯定, 以"649"呢個價錢去賣街店舖絕對係"有錢賺"既
呢個係建議售價, 批發價無可能超過649....
可能你唔知, 香港遊戲批發壟斷情況其實好嚴重..


你覺得香港, 唔會平過日本?
事實上, 香港買日本野好多時都平過日本
當然, 有時日本跳樓貨會反而比香港便宜
但係普遍新貨, 計返日本門口價, 一般都係日本比香港貴
成日買玩具既人, 無理由會唔知呢樣野, 特別係買GAME, 一直以來, 係香港買都係比日本平既, 特別係行貨
你可以參考下當年PS2同年頭PS3既價位, 仲有XBOX既價位...
你或者應該諗下, 如果下下都要等同日元門口價黎計數, 我駛Q你引入行貨咩?
呢方面, 你睇下微軟既定價, 或者以前PS2既定價就會一清二楚!

Vince

我對今次 FF13 既 感覺 就係 (玩左 一個 鍾左右) ...

好 q 冇 特別 ...之前 xbox 果隻 LO 分分鐘 好過 佢 ...
佢話係 DTS 5.1 <= 點知點解我出左 dobly ...
果震制 <= 有特別 event (地震, 大爆炸) ... 完全唔震 ... 冇晒現場感 ...
直線地圖 <= 真係 直行 的 地圖 ......
隻 game 亦唔 算 好靚 (d 個年代, 差5多隻隻 game 都有咁既水準 ... 冇左果時一開 FF 10 果時 .. 見到 咩 都 嘩好靚 既 新鮮 感)
玩左 1個 鍾 ... 不段 係 LOOP: 戰鬥=>汁野=>行前 .... 正題都未入到 ... :30:

side3net

原帖由 angus 於 17-12-2009 04:41 PM 發表

日版有張紙!!雖然未公佈點招募玩家.但可能同PSN有關.到出公測時,可以入張紙個code玩FF XIV:73:

FF XIV ONLINE, 應該唔會同PSN有關.
SQUARE-ENIX本身有專屬平台PLAYONLINE服務
FF XIV會係PS3, XBOX360同PC三平台一齊發放.
觀乎現階段既資料, 各位還是等待PC版本吧
不過, 各位預左無QUAD CORE以上CPU, 4GB以上RAM, 支援DX 10以上既display. 真係唔好試啦....

side3net

原帖由 Vince 於 18-12-2009 12:13 PM 發表
我對今次 FF13 既 感覺 就係 (玩左 一個 鍾左右) ...

好 q 冇 特別 ...之前 xbox 果隻 LO 分分鐘 好過 佢 ...
佢話係 DTS 5.1  

係...我都出唔到dts.....

mirage

原帖由 side3net 於 18-12-2009 12:13 發表
真係唔好意思, 你既思維係好唔岩, 就算係TD老話都係咁講
GAME店做生意要賺錢唔代表可以亂黎.
就正如你坐的士起錶係15蚊, 就係15蚊, 你可以平比人, 係你既事.
但係, 你唔可以貴
我諗你坐的士既時候, 如果個司 ...

off topic一下
你覺得我的想法不合理,店舖的作價手法或許是亂來, 早買炒價, 遲買正常價,
但在出貨量不多的首發日,顧客肯邊罵邊付錢去追求早點買到可以早點玩到的行動,不正是默許了那手法嗎
正如d師奶邊鬧無記的劇集婆媽造作, 但又要一直追看,推高了它的收視一樣

再說...你上邊那麼一大段有關價錢上的不滿,只讓我覺得那價錢影響了你的收藏的升值能力,跟變賣後獲利水平
跟我覺得game店賣炒價合不合理,我會不會付更多的錢去入手一隻我認為ok,我能力可以能付的價錢的遊戲, 沒有什麼關連

side3net

原帖由 mirage 於 18-12-2009 12:52 PM 發表
off topic一下
你覺得我的想法不合理,店舖的作價手法或許是亂來, 早買炒價, 遲買正常價,
但在出貨量不多的首發日,顧客肯邊罵邊付錢去追求早點買到可以早點玩到的行動,不正是默許了那手法嗎
正如d師奶邊鬧無記的劇 ...

拿....唔係想針對你, 但係好明顯你講既野實在係好大問題..

1) 你講法我係同意既, 所以先前我先有post講, 唔明白點解GVG咁既價錢, 都仲會有人講得係"抵"同"岩"既..
正正就係有呢類人, 先至會造就左咁既K型市場. GVG上邊果個POST我當時已經講左..
問題已經唔在係一隻GVG咁簡單, 而係一隻GVG事件必定會令所有將來既其他軟件升價
當時事實上有好多已經"出左手", 驚比人話傻仔為左面子死撐既所謂FANS好唔認同架
可能中國人習慣"逆來順受"掛....

2)你呢PART就真係攪野...., FF XIII會升值? 米笑爆人個咀真係..
有少少common sence都知, DQ, FF呢D出貨量達幾百萬既軟件, 何來升值可言?
好快貶值就差唔多, 咩野炒價影響升值潛力呢D咁既"妙論", 真係勁好笑..
你以為家下買樓? 升硬既?
量產品保值潛力完全係講出貨量, 加下仲要係隻只要保存得好就可"永世不滅", 市場上最終最少有600萬隻流通量既BD.....
我就睇唔到佢有咩升值潛力啦, 或者閣下好勁抽, 有辦法可以"造市", 大手入晒幾百萬隻再炒起佢掛, 咁小弟真係甘拜下風
超出左地球人既常識範圍, 要打電話問下格老先得啦, 太高深啦...小弟既投資智商只係到達"商務印"層次....

其實你無唔岩既, 正如先頭話齋, "大Q把錢, 我家下係鍾意比人屈你唔比呀?"果個道理係一樣既.
只不過,  苦左好多窮少年咁解姐. 咁事實上又係岩架播, 我買得起就得啦, 你買唔買得起關我鬼事咩..
所以話, 香港, 中國一定有出頭. 超英趕美稱霸宇宙月尾左右就得架啦, 唔駛等多十年...

學埋日本咩野建議售價對香港真係無用架, WHY? 各位睇下某些香港人既智商就會明白架啦....

順帶一提, 首日全球出貨量接近100萬....出貨唔多?......:34:

[ 本帖最後由 side3net 於 18-12-2009 02:30 PM 編輯 ]

side3net

隻野越來越唔對勁..
一邊玩, 每個EVENT完左, 你唔睇STORY, 根本唔會明白....
無錯, 個故事係好複雜, 但係, 有無必要用呢個方法交代?

比複雜, 我諗極其量佢都係同XENOSAGE差唔多.
分分鐘XENOSAGE比佢更複雜, 但係人地一樣可以一邊玩一邊交代.
MGS一樣複雜架, 但係我諗真係未至於要你一邊睇小說, 一邊打掛..
真係好大地雷度.....

Vince

2 位 ... 討論到 d 到好了. 大家有唔同睇法好正常. 市場自然會找到自己的方向的. 我們都係 講反 隻 FF 把 la ...

黑色三連敗

咁多米奇~~~~:Q  

討論下~~~討論下~~~大大們千萬不要動氣 :(

今期雜誌話隻game有成130小時~~~12隻召喚獸~~~+終極2姊妹對決~~~大大們add oil囉~~~:p