新手求助 - MEDICOM 超人之父 甩色

westtung

大大們 ... 小弟係玩12吋O既新手.... 希望你地幫到小弟 ... 先講下事件經過 .... 唔好覺得長氣 .....

我相信好多大大同我一樣 ... 小弟由小時開始 .... 一直喜歡ULTRAMAN ... 所以對MEDICOM RAH O既 ULTRAMAN 好有興趣 ... 但之前礙於覺得價錢太貴 .... 一直冇乜入手 .... 心諗 .... 玩具O者 ... 隻隻差不多接近千銀 ... 有D仲過千 (ULTRAMAN 80, 要成3千幾小弟都見過) ...

但係有一日... O係屋企望住個玩具櫃 .... 入面有小弟一直收藏O既玩具 ... 裝著 .... SHF ...SIC .... 合金魂....  聖衣神話 ... 戰隊食玩等等 .... 就好似自我反省咁 .... 其實係唔係真係好鍾意入面D玩具呢 .... ?  好似SIC咁 ... 其實並唔係太鍾意 ... 有D造型確實不錯 ... 但係有好多確實係為O左買開而買 .... 又好似聖衣神話咁 ... 係好靚 .... 但其實又唔係好鍾意D人物 ...  心諗 .... 用O係櫃入面O既$ .... 其實夠買所有12吋ULTRAMAN 有餘啦 .... 可必買一D自己其實並唔係太鍾意O既O野呢 ... 所以痛定思痛 ... 只留下一D真係鍾意O既玩具 ... 例如合金魂 ... 其他O既放到拍賣網... 用二手價放售 .... 一來可以騰出地方 .. 二來可以幫補買12吋O既洗費 .....

小弟O既玩具一向收藏得好好 ... 所以賣得唔錯O既價錢 .... 立刻諗諗第一隻入手O既12吋要係邊隻 (當然係ULTRAMAN 啦) .... 最後選O左經典第一個ULTRAMAN - 吉田 .... 上TD扒文後...  買O左TYPE B VER 2.0 .. 好滿意 .. 好滿足!

決定入手O既第二隻MEDICOM RAH O既 ULTRAMAN  ... 就係超人之父 ... 出去鋪頭望望 .... 嘩! ..... 間間都過或接近二千... 忍忍手 ..... 上拍賣網望望...  O依! 有隻價錢OK喎 .... 全新... 有埋紙皮盒 .... 好用即買價購入 .....   歡歡喜喜守去交收...

好啦 ... 入正文 .... 返到屋企開盒...透過膠吸塑望一下 ....  好失望 ... 因為冇O左官圖O既一字膊 ... 即刻冇O左份強狀感 ..... 開頭仲以為入O左假貨 ...... 上TD扒文後先知冇問題 ... 第二重打擊O黎啦.... 打開吸塑一望之下.... 心口紅色部分甩色 ... 染到銀色部分一片淺紅 ... 後尾枕 ... 兩邊膊頭線口接駁位都有一樣情況 .... 膽粗粗用GUNDUM MARKER抺 ... OK 喎 ... 再用O黎抺心口位置 ... 都抺去七七八八 ..... 但係用白光一照 .... 心口銀色部分都係淺淺紫色咁 ... 好礙眼! ... 而且我唔敢抺兩邊膊頭線口接駁位 ... 拍會有影響而甩線 ....

唔知大大們有冇類似經驗 ... 幫幫小弟呢 .... 幫到手真係萬分感激呀 .... 唔該晒先!

frankylick

老實講句...如果係件衫甩色呢....我就勸你唔好搞佢喇!  :67:
呢類型既甩色十居其九係滲入去的.....:42:
即係一種顏色"輝法" 而另外一種物質因為密道唔同而吸左入去....:47:
我既意見係"死症"冇得救.....:cool: 所以好多師兄叫人玩具一定要開黎玩就係咁解!:38:
可能我講錯架, 因為我此終見唔到, 睇下有冇高人可以幫到你啦! :78:
不如你睇下呢個網址, 可能幫到你.....但佢呢種甩色應該唔係你講個種.....睇下啦! 無壞既! :^

http://www.acgtalk.com/node/1122

westtung

多謝大大賜教~其實用Gungum Marker 係有效既！不過唔夠徹底囉！

Somebody_Ex

westtung 前輩原來已經轉投12" 懷抱~~~:80:希望你買到好一點的M 記 RAH 啦~~~好難搵到一隻無瘕疵~~~所以有朋友話似抽盒蛋咁要撞手神 :)

K66

老友我想講,MEDICOM向來係冇一盒盒獨立紙皮盒,通常係3隻入一個小BOX,再4個小BOX放入一個大BOX
你個隻買返來有冇吸索包住架?如果冇一層膠包住個紙盒,反而多左個唔尋常既紙皮盒包住,我覺得你有機會畀人老點買次貨.

其實你既問題唔係冇得救，但要成件衫拆出來，用黃色噴油膠紙沿紅色位剪出外形,貼好晒再用MR.COLOR銀色去噴一次.

大舊金

:75: 樓主不如買我e隻大膠啦！99蚊超值價

http://www.toysdaily.com/discuz/thread-115923-1-1.html

westtung

原帖由 K66 於 2-12-2009 02:13 AM 發表
老友我想講,MEDICOM向來係冇一盒盒獨立紙皮盒,通常係3隻入一個小BOX,再4個小BOX放入一個大BOX
你個隻買返來有冇吸索包住架?如果冇一層膠包住個紙盒,反而多左個唔尋常既紙皮盒包住,我覺得你有機會畀人老點買次貨.

...

多謝大大賜教先 ... 但小弟D修復技巧未到家 .... 所以唔敢試LU!

我買隻ULTRAMAN FATHER O既時候盒外熱縮膠未拆O架 ..... 不過 .... 有樣想攪清楚先 .... 因為我發現一D所謂O既限定ULTRAMAN 12吋 ... 例如 ... ULTRAMAN 80 同 ULTRAMAN FATHER, 佢地O既盒面係冇得打開O既... 而且有獨立O既運輸紙皮盒 .... 唔知係唔係呢?!

westtung

原帖由 Somebody_Ex 於 2-12-2009 12:32 AM 發表
westtung 前輩原來已經轉投12" 懷抱~~~:80:希望你買到好一點的M 記 RAH 啦~~~好難搵到一隻無瘕疵~~~所以有朋友話似抽盒蛋咁要撞手神 :)

SOMEBODY_EX 兄 .... 唔好叫我前輩啦 ....  唔敢當呀! 又唔好話轉投O左其他懷抱O既..... ! 只係忠於返自己兒時O既喜好O者!   你依家應該醉心緊SHF! 係唔係?!

影武者

一字膊.....在關節活動下及姿勢上可以改善嗎

K66

原帖由 westtung 於 2-12-2009 10:14 發表


多謝大大賜教先 ... 但小弟D修復技巧未到家 .... 所以唔敢試LU!

我買隻ULTRAMAN FATHER O既時候盒外熱縮膠未拆O架 ..... 不過 .... 有樣想攪清楚先 .... 因為我發現一D所謂O既限定ULTRAMAN 12吋 ... 例如 .. ...

咁可能係個賣家好人,畀多個盒你啦,如果熱縮膠冇拆,最少唔會係賣家發現係次賣做手腳.
事實上我地香港人訂既所謂medicom限定通販,其實都係行派,唔會有獨立運輸用盒既.
但如果係真正日本人訂購,係會有速遞送到門口,個D會有紙盒

暗黑王風雷

M 記 - 我上星期先有一隻自動膠料碎裂. 只係轉動左腳跟關節, 即時玩完.....真係想知佢d膠係乜:70:

Somebody_Ex

原帖由 westtung 於 2-12-2009 10:22 AM 發表


SOMEBODY_EX 兄 .... 唔好叫我前輩啦 ....  唔敢當呀! 又唔好話轉投O左其他懷抱O既..... ! 只係忠於返自己兒時O既喜好O者!   你依家應該醉心緊SHF! 係唔係?!

點都好~~~選到自己喜愛的收藏系列~~~是乃人生一大快事~~~:77: :77: