少女，少年漫畫都傾。日漫討論區。（新作推介：進擊的巨人）

原罪

原帖由 spidey123 於 2-12-2009 01:56 AM 發表


天才柳澤教授的生活:
這書是描述柳澤教授和三位女兒的生活趣事， 以教授的獨特的眼光看世界, 是一部會令人會心微笑的作品.

來自遠方:
少女典子因為一場爆炸被彈到去一個異世界, 在這世界她被稱為"覺醒", 在 ...

謝謝:64: 好詳細，有機會搵返黎睇…

講起異世界，有無大大睇過「守護我（們？）的地球」呢？
聽講係好精彩既，有無大大睇過？

黑色三連敗

原帖由 spidey123 於 1-12-2009 02:20 AM 發表
個人心水:

山下和美-----天才柳澤教授的生活
冰川京子-----來自遠方, 荒野天使系列, 和新作如織似錦
篠原千繪-----蒼之封印, 海之闍 月之影
田村由美-----BASARA, 龍三郎系列, 7SEEDS

個人心水~~~:71:

原罪

近日發現一套好書「王者天下」

台灣長鴻出版，作者「原泰久」

好睇！劇情緊湊爽快，
既一套戰爭漫畫。

故事關於少年泰皇嬴政，與期望成為天下大將軍少年「信」的故事。

只係單單打打打，又唔會成日長篇大論，平衡得好好。
故事推進既節奏，令我唔覺得呢個作者係第一次出單行本。
睇到11集都好滿意。

原罪

特別的棒球漫畫「王牌投手•振臂高揮」

好特別既一套棒球漫畫，唔止畫風特別…（老實講…絕對稱唔上靚）
但卻好睇到係日本銷量榜佔前列位置。（我都係睇某版大貼既漫畫暢銷榜先知，呢本書咁勁）

畫風唔靚，文字又多…點解可以咁好賣？

佢係一套描寫球員心理，打心理戰，戰術等技術既棒球漫畫。
同一般有個勁投手（唔理係速度強或者變化球強），或者有個打擊王就打哂既棒球漫畫好唔同。

必殺技？咪玩啦。
佢地主力投手係無速度架，而好勁既第四棒，亦因為好多因素，而打擊率唔高（但都可以令人覺得佢地好利害）

佢地隊波係靠努力同心理戰贏既，反而俾人感覺好寫實。
我諗佢受日本人歡迎，同日本棒球文化深厚好有關…

唔明棒球規則既…我諗會睇得幾辛苦。不過佢每期都有簡單既棒球規則講解…
文筆幽默架…不過文字真係好多。

雖然多字，但我睇得好快既一本棒球漫畫…
如果喜歡out one呢套賭徒打棒球既，呢套就係正統既心理戰棒球漫畫。

睇得過架！:71:

Quentin

呢排愛看"戰國STRAYS", 戰國式少女漫畫+"回到未來"呢............暫時出左兩本

[ 本帖最後由 Quentin 於 12-12-2009 06:33 PM 編輯 ]

katoributa

原帖由 原罪 於 9-12-2009 07:01 PM 發表 特別的棒球漫畫「王牌投手•振臂高揮」好特別既一套棒球漫畫，唔止畫風特別…（老實講…絕對稱唔上靚）但卻好睇到係日本銷量榜佔前列位置。（我都係睇某版大貼既漫畫暢銷榜先知，呢本書咁勁）畫風唔靚，文 ...

睇公仔唔覺，既然原大大推介，就真係要睇下。
outone後尾玩到差D不能自圓其說，但中段就真係好睇！:77:

原罪

原帖由 katoributa 於 12-12-2009 10:40 PM 發表
睇公仔唔覺，既然原大大推介，就真係要睇下。
outone後尾玩到差D不能自圓其說，但中段就真係好睇！:77:

:(「原大大推介，就真係要睇下」咁大頂高帽呀？
:77:多謝先。
不過我睇書又雜又怪…
未必個個都喜歡我睇既書…你睇我連少女漫畫都睇就明啦…:shy:

原罪

:67:想講一套台灣都爛左尾既書…（因為同下套講既書，可能唔對同一問題…唉~:42:）
「生存遊戲」
即大逃殺漫畫版。

本身睇完大逃殺電影，算相當喜歡呢套戲。
見到竟然有漫畫，咁睇下仲可以點講…（套戲本身改篇小說既…原作小說我就無睇過啦，睇過既大大，不妨講下:64:）

:shiny:咦~正啊，畫風唔錯。夠暴力色情，:p合我口味~
而漫畫作者推進故事都好流暢，加上仲有電影無既角色登場…

點知…:what:停左出…
係停左出台版單行本…:no::63:我買黎儲架…

原因係，當日台灣對漫畫審查既程度提升…柯南因為有謀殺情節…差D都要貼18禁…

咁呢套露點，又內臟橫飛既書…又點會唔禁…:44:

原罪

:36:而點解提一套完在既書？（生存遊戲日本出到15期完，台版到第十期咁上下…）
因為想講「劍豪生死鬥」:!
一套我覺得好正好震撼既書。
作者係斬鬼者覺悟那位山口貴由老師。
但今次有點分別，佢唔係原作，如果無記錯，山口老師一直都係畫自己原創既漫畫，每套風格都好特別。
（斬鬼者覺悟，悟空道，蠻勇引力等等…）

今次原作為「南條範夫」老師。（以下資料節錄自單行本）
『南條範夫
1908年生於東京。東京帝國大學法學系及經濟系畢業，曾歷任東亞經濟懇談會參事、日本再建委員會常務理事、經團連審議室委員及國學院大學教授。56年以「燈台鬼」獲直木賞，82年以「細香日記」獲得吉川英治文學賞。著有「月影兵庫系列」、「元祿太平記」等多項著作。60年「古城物語」等作品造成所謂殘酷風潮之流行。2004年10月30日辭世。』

本故事原作為「駿河城御前試合」無明逆流（初次刊登:1956年10月）

:67:一個寫開自己創作故事既作者，一個1956年已出版既故事…
有咩吸引佢今時今日寫？而唔做原作，只做改編佢又會畫成點？
總總原因，令我睇呢本書。（其實呢個作者我都睇開啦…俾多D原因自己買姐:66:）


:74:呢套書睇之前，唔該做好心理準備，確實係18禁！！
暴力（血肉橫飛），色情（露下點就實有）
…最大鑊…
係佢本書，根本無一個人係正常。:^

其他角色唔在講，主角都唔正常…
唔止行為，係全部人既性格都扭曲既。
信念，喜好，行徑…總有野係令你覺得變態…

明肛社既人睇到，一定禁。
呢本書出到十幾期…我都好驚佢會隨時被禁，出唔到台版…
香港唔使旨意出到。

你如果問我…一班變態做既劇有咩好睇？:?

我只可以答你，扭曲既人格自有佢既魔力…:^

呢個作者既劇情表達力就絕對無問題，畫風精細。一條條肌肉都畫埋…我諗不能話不精細。
劇情由一次，亦係唯一一次既「真劍御前比武」開始…
一個獨臂既劍客VS一個盲眼，腳有殘疾既劍客，兩個外形不成體統既劍客，點解可以御前比武？
佢地一定有過人既武藝。
由佢地既比武，揭開佢地互相纏繞大半生既故事…

現在未出完。
總結…小弟非常喜歡！:35:（睇我打咁多字，應該估到。）

[ 本帖最後由 原罪 於 13-12-2009 06:33 AM 編輯 ]

sonia5sze

樓主講o既 夏目友人帳 同 下一站巨星 我都有睇動畫
粉紅系男孩就有睇真人版:)

小女子喺先入漫畫坑 再入動畫ACG坑同玩具坑 近年再入埋模型坑:DD

由細睇漫畫都好似睇少年漫畫多過少女漫畫:78:

少女漫畫動畫認真睇過的好似只有 伏魔小王子, 星際少年隊, Pandora Hearts, 交响情人梦, 反叛的魯魯修, 隐之王..

少年漫畫卻買同睇過唔少呢.. 龍狼傳全套買齊
鐵拳浪子, EVA, 手塚治虫, 富堅義博, 高橋留美子作品, 高達, 鋼煉, 潮騷傳說, 棋魂, H2, Cyber Formula, 死神 (一時之間都數唔哂)... 等血腥作品喺我至愛... (但我對BL唔反感喎:he: :he: )
小時有睇鐵拳小子, 足球小將, 叮噹, 美少女戰士都有睇

其實做一個"粉藍系女孩"也無不好呀:p  睇漫畫都喺想輕鬆吓啫

[ 本帖最後由 sonia5sze 於 13-12-2009 11:41 PM 編輯 ]

原罪

原帖由 sonia5sze 於 13-12-2009 11:19 PM 發表
樓主講o既 夏目友人帳 同 下一站巨星 我都有睇動畫
粉紅系男孩就有睇真人版:)

小女子喺先入漫畫坑 再入動畫ACG坑同玩具坑 近年再入埋模型坑:DD

由細睇漫畫都好似睇少年漫畫多過少女漫畫:78:

少女 ...

:35:有粉藍系女孩入來？真的太光榮啦。
喜歡血腥漫畫？:he:那我剛介紹的「劍豪生死鬥」你必定不可錯過。

其實我就覺得書同戲一樣，只有好睇唔好睇，話之佢原本係諗住俾咩人睇？:38:

CIIA

原帖由 原罪 於 14-12-2009 01:28 AM 發表

:35:有粉藍系女孩入來？真的太光榮啦。
喜歡血腥漫畫？:he:那我剛介紹的「劍豪生死鬥」你必定不可錯過。

其實我就覺得書同戲一樣，只有好睇唔好睇，話之佢原本係諗住俾咩人睇？:38:

血腥的當然推薦"大劍" :71:

路人丙

哇.........
哩d咁重口味既真係唔係好岩我......
:47: :47:


近年有睇關於愛情既漫畫得本「純愛塗鴉」,



以前就有睇過一本作者河方熏叫「初吻」既漫畫.
http://www.2comic.com/html/232.html
同埋橙路




[ 本帖最後由 路人丙 於 14-12-2009 01:05 PM 編輯 ]

原罪

原帖由 CIIA 於 14-12-2009 08:48 AM 發表

血腥的當然推薦"大劍" :71:

:ar: 大劍只是女性版烙印…
相比起來，烙印戰士才血腥。

烙印係自己最愛三甲漫畫:71: 正到爆！

原罪

原帖由 路人丙 於 14-12-2009 01:02 PM 發表
哇.........
哩d咁重口味既真係唔係好岩我......
:47: :47:


近年有睇關於愛情既漫畫得本「純愛塗鴉」,



以前就有睇過一本作者 ...

:77: 丙叔，我開始講少年、青年漫畫啦。多d入黎睇下啦。