[原創][玩具劇場]身為香港人, 我唔明大家點解唔體諒一下我地GE特首...

biuyau

原帖由 yui_style 於 28-10-2009 12:47 PM 發表
:42: :42: :42: 做好份工真係唔易.....

而家唔好話做好份工
搵到份合理的工都好難
大學生讀完學士出黎得7k...
讀完碩士出黎先得8k...
樓價物價又係咁升...

得到愈多的人愈大聲<<呢個係事實
得唔到d 乜ge人唔係唔出聲, 只係出聲都無人理
有番咁上下地位..權力...財力...的人出聲先會有人理下

真係好唔明白, 個個人時間都係咁多
有d人一個鐘頭狂做得幾十蚊
有d人一個鐘頭坐0係度就有幾百甚至成千蚊

我都會嘈政府...不過要嘈就嘈得有用d...
成個社會風氣政府政策都係口講脫貧...
實際就係一路傾向富者愈富, 貧者愈貧...
一個好ge社會係應該富者養貧者...
同埋保障到所有人都可以去到一定知識及生活水平...
唔好話d 最窮的
而家我地大學生出黎搵野做一萬都無...交通食飯俾家用還學費都差唔多無晒...
有知識都唔等於有生活

同埋睇toysdaily 都知...
有brother 一款玩具買3盒...有d 仲買成箱咁...
但係呢度一樣存在好多想買買唔到, 要買都要格下價先再考慮的人
如果當toysdaily 係一個社會
有錢ge 人買少盒放0係度收藏的, 又買少盒觀賞用的...
將呢d 錢放入一個基金, 庫房的地方
一定足夠令到個個人都有玩具玩la...

wwjd281920

講幾多野我地&#21874;小市民只有繼續乖乖地交稅比政府養這斑剩係識鬧來鬧去曹來曹去的廢物議員+比人少到咩都唔識做冇能高官
眼見中國如上海哪一些大城市發展得越來越好,人仔繼續升,真係覺得留係香港冇前途,就像一個有絕症的病人等死一樣,
要普選有屁用,如果選左像長毛哪一些人出來做特首保證大家一定一齊食屎,
現在全世界經濟都唔好,唔係這班廢物亂吠就可以改變到,改變係要,但每次人士掉動實令好多計劃要重來,或進度變慢
到不如大家用現在有限的齊心曹少&#21874;合作做番好&#21874;快&#21874;哪,
下年年頭又要交稅....可等肉赤,想起係用來養這班人,好想講唔該你地班議員提出問題前請先想好解決方法先好提出,政府做錯野只係識得鬧,這只係自打咀吧,你地都係政府一部份,成日份什麼黨去逃避責任,所以次次炒鬧的區議會選舉我都唔會投,最好大家都唔好投,比班議員知道下係唔可以唔做番&#21874;成績出來,唔係將來選唔選都把哪

[ 本帖最後由 wwjd281920 於 29-10-2009 01:59 PM 編輯 ]

童叟無欺

原帖由 wwjd281920 於 29-10-2009 01:55 PM 發表
講幾多野我地&#21874;小市民只有繼續乖乖地交稅比政府養這斑剩係識鬧來鬧去曹來曹去的廢物議員+比人少到咩都唔識做冇能高官
眼見中國如上海哪一些大城市發展得越來越好,人仔繼續升,真係覺得留係香港冇前途,就像一個 ...

大大, 你唔覺個D大大聲出黎嘈同支持個班垃圾議員的, 多數係個D唔洗點交以至唔洗交稅的"大部份香港人"嗎?:71:


佢地又點會明白呢?

Macao-Seiya

我係一個澳門人, 睇了上面d 兄台的發言, 終於聽到d 似番d 有知識學問的人講野...

呢排香港d 報紙日日好似"文革"大字報, 一味"益親家", "利益輸送", 有事實證明嗎?? 用了聯想法便一味定人有罪, 是文明的做法嗎??

我想講, d 香港小部分人係都要"隊林"曾先生? 佢下了台又如何? 或者比阿唐先生上了, 又如何?? 唔通你咩長毛走出來做特手麼?? 我肯定比佢做佢一定唔會做, 現在做個議員, 發下din, 飛下蕉, 講下粗口又收幾皮野, 出來din 又有人和應, 佢唔係社會寄生虫係咩?? 點解你地香港會有人會鐘意呢d 人??... 我自己分析過, 我覺得可能有d 人回歸十年了都一直抗拒個政權(包括共產黨), 但又唔可以話"我愛英國佬, 你幾時返來??", 因為又會有人話佢係賣國賊, 係呢個情況下就將d 悶氣發晒去特區政府度, mud 都插一輪... 其實唔鐘意香港, 可以考慮移民去第二度...

其實你地唔要曾先生, 派佢來澳門做特手仲好...

仲有係有兄台提過希望d 有錢人養d 窮人, 拉近d貧富懸殊, 如果真係做窮人可以有兩餐溫飽, 生活無憂, 有政府養, 我情願做窮人, 做窮人可以大聲鬧d 有錢人"麻木不仁", 倒返轉有錢人鬧窮人就比人話"狗眼看人低"...

仲有就係知唔知個市有冇d 類似"雷曼"咁既產品?? 係就大家訓身落去, 因為原來賺就自己, 輸左就問政府羅返十成個本, 真係好呀...

wwjd281920

係,果班垃圾最冇資格講野:71:

wwjd281920

原帖由 Macao-Seiya 於 29-10-2009 02:48 PM 發表
我係一個澳門人, 睇了上面d 兄台的發言, 終於聽到d 似番d 有知識學問的人講野...

呢排香港d 報紙日日好似"文革"大字報, 一味"益親家", "利益輸送", 有事實證明嗎?? 用了聯想法便一味定人有罪, 是文明的做法嗎??
...

買雷曼班友係低佢地冇晒&#21874;錢,但佢地輸左錢要我地幫佢地田數真離譜,前排係銀行成日見佢地玩野,我想講冇人會可憐你地,唔好左人地做野番屋企哪

hardmandx

話報紙嘩眾取寵既人, 我相信你地冇錯, 但係你地又有冇睇過佢地既內容呢?? 其實裡面既內容都唔係冇可取之處, 入面講既野, 多數都係合理地懷疑箇中既疑點, 好似懷疑有否利益輸送, 懷疑有否有箇中內情, 懷疑有否經過充份考慮, 而特首先生既回應同一個港女毫無分別, 就好似有被害妄想症一樣, 下下覺得人地針對佢, 又破口大罵, 你覺得呢d連一個普通明星仔都做到既冷靜面對輿論都做唔到? 佢做左三十幾年公務員, 做左十二年司長同特首, 如果呢d都要體諒, 我諗我地市民對佢既要求都未免太低, 再講, 香港係一個講法治, 講廉潔既地方, 利益輸送, 官商勾結既問題真係唔重要?

好憎d人係度搞分化, 個社會係大家既, 我係冇乜交稅架喇, 咁又點呀? 唔通我就唔係香港人, 我就唔可以問政府要求福利? 你地交多d稅既, 就可以話哂事? 再講, 冇窮d既人幫d死人有錢佬做野, 佢地都未必可以有而家搵得咁多錢交到咁多稅

講民主政制, 議會暴力的確唔岩, 但係我會將佢睇成為係冇辦法之中既一個辦法, 當個行政會議將好多野都嘗試跳過立法會, 跳過民意既地方, 你覺得係一件好事咩? 香港係一個行議會制既地方, 政策局想取得民意, 用心向民眾推銷係正常既做法, 你地呃又好, tum又好, 派糖也好, 要民眾支持係好正常, 一味話得個好好好既字就可以sell到我地, 咪玩啦! 講真, 我承認立法會的確有一小撮議員過份使用議會暴力, 但係佢地既出席率, 提案次數, 投票次數等真係多過o個d所謂代表中產既議員多多聲, 而且如果你覺得你地唔想佢地入議會, 點解你地唔用多d手去投票, 用票黎話俾個社會聽你唔想要o個三條友? 成個社會一定有生活無憂同窮人, 而你地又講講講但係唔去投票, 咁有鬼用呀? 枉d中上讀咁多書, 連呢d野都唔識, 我都唔知講乜好喇

反對既聲音, 並唔係個個都錯的, 以前反對既方法, o個班大食懶已經唔聽喇, 而家試下升下級黎表達, 又何妨? 淨係識得話失望失望, 香港都係冇既人, 不如你都係過第二個國家生活啦, 你都失望喇, 仲留係香港做乜, 香港好危險的!

[ 本帖最後由 hardmandx 於 29-10-2009 03:38 PM 編輯 ]

童叟無欺

反對既聲音當然要有, 但有必要變成"反抗"聲音嗎?

hardmandx

我都想冇必要, 但係o個班人反對左咁耐都唔理, 唔反抗可以點?

小櫻

體諒？... 點解要體諒佢？...

家陣又唔係用支槍指住佢迫佢做... 係佢自己走出來話自已甚麼甚麼的...

但係出到來的... 是大量低級的政治錯誤... 看到如此低能的政府哪會唔火大？...

至於有說議會暴力... 個人認為到目前為止還是可以接受... 大家經常在報章雜誌電視看到他們出位的行為... 其實是傳媒選擇性報導... 有次看報紙訪問已退休的笵徐麗泰女士... 記得她也說過他們開會時是很認真的... 只是當見到傳媒時就會開始「做o野」...

說真... 很多人眼下的所謂「激進派」議員... 其實某程度上比那班建制派的更勤力更懂馬列主義... 他們勤力地研究政府議案... 找出有問題和對市民不利的地方... 指出其問題並要求修改至合理為止... 反觀只會投支持票的就很閒了因為不需要找問題嘛...

我們推選立法會議員就是要這樣... 因為我們小市民不懂法律... 也沒有足夠數據和知識去研究法案... 所以就需要議員來幫我們去看了...

還有很多人說反對的破壞和諧阻窒社會進步... 那是真的嗎？... 說穿了不如話阻他們發財... 當年領匯上市就是一個很好的例子... 明明招股書內容有問題... 上市後對小商戶很有威脅的問題沒有人去正視... 人們只是為了買新股賺大錢... 而不理會後果... 反而責罵提出反對的人... 好了... 住屋村的朋友請看看你們屋企樓下的商場還有甚麼？...

相對看似和平的議會... 小櫻寧願看舉板掟蕉... 因為不這樣傳媒就不報導... 不報導沒政治意識的香港市民就不知道不討論... 不討論就發現不到政府出蠱惑了...

另外... 這樣的會議有趣得多 (這是真心話)...

呵呵呵...

小櫻上

[ 本帖最後由 小櫻 於 30-10-2009 12:29 PM 編輯 ]

hardmandx

好野, 有小櫻大大支持我了...

spidey123

特首作為政治家,食得鹹魚抵得渴,噤少危機都化解唔到,點做政治家.

至於掟蕉議員是否真的只懂反對而不做實事呢? 自己上youtube看看人家的發言再說吧.

dennisuen

民主政制當然唔會一步登天
其實可以話, 民主政制係會不斷咁去犯錯添
但係佢可愛既地方係可以係錯誤中學習, 去調節
今次a試既方法唔work, 就俾b 去試下, b又唔work, c又試下, 如果a想黎多次, 就一定要調整政策啦, 因為第一次大家已經知你唔work

人人都會諗自己利益架啦, 唔同個個都提升到為整個社會著想咁偉人咩
但係民主仲有憲法既保護, 打個極端既比喻,
如果100個人有99個係食人族, 一個素食者, 大家黎民主投票啦, 咁個素食者咪好危險?
但係現實唔會, 因為我地憲法保障左我地人身安全
好似話依家俾全香港人投票, 要唔要分晒李家誠的身家, 一定係贊成既佔多數架喎, 但係呢d 野根本唔會發生, 因為基本法保護我地可以擁用自己既財產.

更何況, 大家都有腦架嘛, 今朝你分左李家誠身家, 他朝你有錢咪又俾人分?
唔好將民意睇到咁低b 啦