DQ IX..玩到救命..

side3net

原帖由 Хъヵп 於 2-8-2009 12:28 PM 發表
side3net大大:

事實明顯地一樣米養百樣人...有人鍾意有人o吾鍾意...

大大繼續玩一隻令你失望的DQ9...

而我繼續玩我認為好玩的DQ9...

至於話到老翻正版,o吾好話香港,日本也大有人在...討論這點是沒意思,不 ...

坦白講, 就係你呢類人太多,
明明係唔好既, 都仲死要猛咁讚.
就係因為DQ既名而加分
令到SE呢D公司咩狗屎垃圾都擺DQ, FF牌頭出黎呃錢.
只要係掛上左DQ, FF既名, 死都變返生, 攪到成個RPG圈就係得DQ, FF,
其他比佢好既作品, 賣到廿萬已經執身彩....

一隻RPG, 故事只佔三份一唔夠, 所謂隱藏既野就佔左最少5分4既時候.
呢D叫妹仔大個主人婆, 豉油大過雞...
DQ9家陣我仲有定時玩下, 就係因為想發掘下你口中既"技巧同樂趣"..
技巧? 究竟打果堆所謂隱藏BOSS有咩技巧呢...LVL高就得啦.
來來去去, 回復, 攻擊, 真係睇唔出有咩技巧...
迷宮就一味得個大字....一D解謎成份都無.
著衫系統, 基本上就係玩COSPLAY既, N多既衫根本唔係用黎提昇數值既.
(後期勁多呢D COSPLAY任務)
洛特裝備到家下都仲有兩件未解封..擺明拖你時間.

連線PLAY, 挑, 原來客席玩家係LOOT唔到三星以上ITEM既.
咁, 我為咩要同人一齊打呢?
咁多時間花係製作呢D無聊野身上既時候, 如果將呢埋時間花係製作主線故事上
相信DQ9會絕對唔係今日咁既樣..

重覆又重覆既無聊任務, 一隻大佬最少要打十六次以上..
(LVL 16開始先會低機率掉BOSS寶圖)
講得難聽D, 如果真係有人可以捱到180個任務全開果陣都仲打緊..
我會阿彌陀佛對方, 因為佢生活都肯定幾空虛下..

放眼D望下其他RPG啦, 呢個世界唔係得DQ, FF既.

X-JAPAN

好小見呢頭會有咁多字GA POST~我都要用D時間去追POST~:35:
其實好唔好玩都係見人見志姐~
正如我會問你機戰好玩D定G-GEN 好玩D一樣~
今集DQ我都未得閒玩~呢期要掛住打MH:26:

不過點都好LA~我見各位好似開始有D火藥味~
請各位保持良好的討論氣氛~多謝各位合作~:64:

side3net

原帖由 X-JAPAN 於 20-8-2009 09:44 AM 發表
好小見呢頭會有咁多字GA POST~我都要用D時間去追POST~:35:
其實好唔好玩都係見人見志姐~
正如我會問你機戰好玩D定G-GEN 好玩D一樣~
今集DQ我都未得閒玩~呢期要掛住打MH:26:

不過點都好LA~我見各位好似開始有 ...

我諗你攪錯, 一直講緊既都唔係DQ好唔好玩既問題.
而係, 佢究竟值唔值得攞起DQ既正傳既正名
由始至終, 呢隻遊戲既頭100小時係一隻唔錯既遊戲
特別係以今時今日欠缺RPG既年代, 算係隻過得人, 過得自己既遊戲.
(只限故事部份)


但係點可能你點可能可以遮住良心, 講呢隻GAME"好有技巧", "好有合作性", "好刺激"呢?
仲要去讚果D所謂既隱藏要素, 大佬, 你玩我呀, 而家?
你點能想像你打完隻大佬跟手比晒你得黎既EXP佢比佢升級..
而跟身你要同佢打最少16次, 即係要幫佢由LVL 1升至LVL16.
(因為Lvl 1 -Lv 15係點都唔會有機會攞到另一boss既寶圖)
你先得5%機會可以係第17次同佢打既時候得到第二隻大佬既戰鬥權..
呢D咁白痴, 低B, 同玩你既系統, 真係擺明係你比錢買隻GAME返黎仲要係唔係你玩GAME, 係GAME玩你.
技巧..喂, 回合制傳統無任何特別系統既戰鬥方式, 有幾技巧呀?
如果呢家野都令該玩家認為需要高度技巧, 高度合作性.
該玩家一係就唔熟RPG, 一係就可能玩食鬼都有困難既...
所有迷宮根本完全一樣, 只係得個名唔同..
仲有, 呢集可以講係DQ史上第一次"連一個解謎成份都無既DQ"
真係果D途宮連開度門既等人用下腦既機關都無..
D任務千篇一律, 佔八成以上係煉金, 煉金, 再煉金...
一日到黑唔係要煉D乜乜七七比NPC
就係做埋D等運到既任務..
(你有無聽過要你咩buff都唔加係身, 用自然出現既會心一擊去殺死十隻指定怪物, 即係最後一擊一定要係會心一擊...)
呢d任務既唔講技術, 純粹講運氣任電腦擺佈你, 浪費你時間.
竟係因為"偉大既SE出品", "偉大既DQ"既原因, 連D咁既野居然有人讚, 仲要力撐.
唔怪得各廠商越來越不思進取啦.


真相根本唔需要講, 中日兩大陣營既玩家根本無一不媽聲死起..
就係因為有咁既製作, 又有咁既死士.
過往幾多優秀作品比人忽視.
天外魔境, Xenogears, Xenosaga. VP...
真係數都數唔晒.
但結果就來來去去都DQ, FF..
真係唔得你死.

FF系列都出過垃圾, 分別係FF8同FF XII
兩者系統故事都完全唔掂.
本以為DQ向來慢工出細貨, 是隻有深度既遊戲.
點知一隻DQ9, 又令FF同佢再次齊名啦..