|
|
樓主 |
發表於 1-8-2009 19:12:41
|
顯示全部樓層
明眼人一睇, 就睇得出, DQ9由始至終, 係設計上都係"一人用RPG"
係入邊加D online完數, 就突然變成所謂MMORPG !?
先唔講其他MMORPG, 如EVERQUEST, WOW果類真正需要合作技巧才能成事既真正於設計上係原生既ONLINE RPG
單就合作方面, 此作需要的合作技巧就連Zelda傳說四柄劍及FF Crystal系列都比不上.
我事實上真係睇唔見"由於不同玩家有各自職業育成方法,憑一己之力也沒可能應付眾多魔物,戰術運用及部署.." 呢樣野....
當你一個人打又得, 成班人打又得, 而且仲有可能一個人打易過成班人打既時候....呢個米就係重點囉
DQ9果個所謂四打, 只不過就係由原本由你控制既同伴, 分出去比其他玩家控制.
其實同以往DQ曾經谷過一排既AI機能, 無咩分別, 只不過, 以前話你聽係AI, 家下就係坐係你對面果條友仔姐.
果個Feeling, 根本係完全無分別...
(對於港人黎講, 都有既..米就係要約埋坐係麥記坐幾粒鐘..不過小弟大人大姐真係做唔出...)
係人都知, 大打野, 無可能四個戰士同隊, 呢D係人都知你亞媽係女人既事實.
隊伍講求平衡, 又限制在最多四人, 又係回合制靜態式作戰系統RPG.
佢個系統已經限制左難度, 大佬有咩技巧, 大家心中有數, SE吹得幾大都無用
根本隻隻如是, 就係攻擊, 全體回復, 攻擊, 頂危適當時候擋一樣.
如果DQ戰鬥都有技巧可言, 睇怕玩開WOW, EQ, FF XI果班玩家, 會笑到爬係處..
可能你覺得好新鮮, 不過太陽底下無新事.
所謂既RARE ITEM, drop ratio, 全部都係出自mmorpg.
呢個系統本來就係比MMORPG用時間黎換取係人前SHOWOFF既系統.
網上玩呢類GAME, 早有一大班俗稱camper既玩家係日日唔駛做, 哺幾十, 幾百小時不停打寶既.
人地講既合作打寶, 講緊既係5至6人一小隊加埋成十幾隊80幾90人既實時指令打法.
果個先係真真正正講技巧, 講合作, 非一人不能成事既系統
DQ9只不過, 將本來同佢風牛不相馬既系統, 監生質入隻本來設計上從來無考慮過係可以ONLINE既RPG身上.
而事實上, 係日本已經惡評如潮. 真係得收左佢錢既FAMI通先會去讚.
又講返隱藏野啦.
喂, 好似, 家下都好多RPG係打完主線仲有N多隱藏野架啦播.
呢件都唔係新聞, 隨便講幾個作品出黎, 有FF, Xenosaga系列, 就算佢自家DQ從v開始, 都係咁啦.
隱藏野係現今市場, 幾乎可以講係必需. 吓, 唔係呢樣野都要去讚呀?
有人仲要去讚, 提出咩野"專登"搵個唔平衡既組隊去搵樂趣.
咁亞Q精神, 講真, 呢樣野真係無得去爭論,
可以將"缺點"轉化成"優點", 簡直係已經突入左完全境界既高手
好啦, 又有人話DQ同伴唔夠戲份
好, 我又假設你識日文, 又假設你唔睇攻略既.
咁, 如果你講得出呢返說話, 閣下真係要好好升下理解力呢個技能既LVL.
IV用左每人一篇故事交代, 而最後一章明顯講到明係"勇者之章"
你仲話無交代清楚, 你係睇唔明, 定係唔記得劇情?
我覺得最有病既疑問係, 入左隊之後就無咩劇情.
你要咩劇情呢? 開頭交代左啦.
好似VIII果個王子, 你要求佢溝埋果條女先至完滿?
你有無了解佢既性格, 佢本來就幾串呀, 唔講野, 完場打個手勢示意有咩問題呢? 龍珠比達都係咁既.
唔係下下要交代晒各人結婚生仔人人一pair, pair既, 呢d係香港低能觀察加低能港劇先會有既場面.
外國, 日本都唔興既. 好多時.
再講, 你都未玩晒, 隻野耍完左部份隱藏野先有真正既ending.
睇返之後先發現, 你唔係無玩7咩, 你又知人無對白, 你唔係睇完攻略就當天書呀...善哉...
V既三代親子劇場, 你仲要求咩呢, 故事入邊無交代食飯同苛屎呢D生活細節令你不滿
好似記憶中你話你口中講過玩過5次以上播....
RPG唔係以主角一人為線, 咁又係咩呢?
我建議你得閒睇多D小說, 了解下咩叫主線帶動人物, 人物帶動主線.
一個故事, 最重要係人物, 有好既人物, 將佢砌砌合合埋一齊, 果故事差極有限.
呢句野唔係我講既, 係王晶講既. 當然, 亦唔只佢一個講過.
講到呢處, 就好簡單啦, 一字咁淺, DQ9米就係人物SHIT囉.
出場既人完全無經一輪細節鋪排囉.就係咁簡單.
仲要攞早被外間喻為劇情經典範本既4,5,6,7,8同9去比較 !?
真係, 建議你研究下先講. 唔想下下都回得咁長.
例如DQ1故事問題, DQ 1,2,3係試作品.當時故事根本唔係重點.
因為根本無得同其他作品比較之餘, RPG對日本遊戲市場黎講, 仲係試銀石.
所以1根本係無用伴既 而2, 3故事上亦較直線.
但係今年係2009年. 仲用呢套就一定比人插.
而你還用1, 2,去同接下來既作品比較, 就更加..........(哈哈哈哈..)
FF 1, 2都係咁架.
所以REMAKE時米就立即加返故事, 主角入去囉.
至於DQ9唔係最差DQ, 你居然提到外傳既神劍.
第一, 評續集向來唔評外傳既, 因為好多外傳都係冠名多過實際. 即業界係唔會用FFCC, FFT等同FF正傳比較既.
第二, DQ外傳多如繁星, 有商人既不思議迷宮系列, 王子既怪物之心系列等. 而DQ9事實上比這堆外傳都不如.
第三, 神劍根本係一隻冠名遊戲, 最早出現於係單一電視遊戲玩具入邊, 並唔係Wii, 佢本來就係小孩向既遊戲.
最後要講一句, "DQ9"事實上, 遊玩性黎講, 係合格有餘, 起碼本人仲好有心咁玩緊.
不過, 作為一隻冠名DQ正傳既遊戲, 佢不論故事, 人物, 對白, 系統, 都係完全唔合格.
好多人認為咩野SE想擴大市場, 咩野比小朋友玩所以要改
(可能佢唔知道, DQ3推出時, 最多人買既係小學生.甚至於要出到逃學執達吏捉佢地返學....)
但係好明顯, 新加入者究竟有幾多我地仲未清楚之時, 佢已經打走左好多舊客.
呢個已經係不爭既事實. |
|
樓主: side3net
發表於 29-7-2009 14:40:58
