永遠唔會完既漫畫...

side3net

原帖由 joveinhk 於 29-7-2009 10:00 PM 發表


就係呢個道理   係版權問題

既然個原本概念  裡面既主要人物 都係 該人原創
咁出:原著:   有咩問題!?:?     

你應該係勞氣 點解 有分出力既每一個人
都唔好似電影D片尾咁show晒出黎係封面  

一個人對 ...

我真係覺得有D人真係睇一半唔睇一半就答既....唉
我好似講左, "原著", 同"作品"字面上既分別..
你打"原著"我都唔覺有問題
但係你打"作品". 就好大問題啦..

有無留意徐克拍金庸D小說電影.
全部都係, "金庸原著", "徐克作品"..
明唔明原著同作品既分別?

另外, 搵你水就係搵你水, 唔好講到合理化又運輸又成呢D"河蟹"理
論.
買K索K米又好有貢獻? 都唔少人搵食架, 又工場, 又大拆, 小拆. 仲有唔少散戶..
更有唔少人, 賺錢又係佢, 開飯又係佢, 又食又賣既, 米更加貢獻社會?
咁講, 我買本書米更加貢獻社會? 我唔買,
何來仲有資金出糧比果D咩咩物物運輸, 印刷呀?
有無HEART做, 一眼睇晒
新著龍虎門, 外間評論早就已經講成係, "三個智障兒童四圍撩事鬥非啦".
今時今日資訊好發達, 日本大把畫左幾廿年仲好有HEART去做漫畫既人
我諗今時今日既讀者, 絕對識分
黃玉朗唔係話佢無貢獻, 不過已經係好耐之前既事.
今時今日, 佢只係一個投資者, 做緊漫畫呢盤生意.
佢早就已經唔係漫畫家.

[ 本帖最後由 side3net 於 29-7-2009 11:31 PM 編輯 ]

joveinhk

係有D人睇都未睇清楚就答
對業界有貢獻  同對社會有貢獻  係兩回事
唔好講講下又講左第樣

如果 係要用販毒呢D咁既例子黎做比喻  都係一樣
無人比錢攪盆生意出黎  你所謂既大拆 小拆 邊得黎有收入
販毒係對社會有壞影響  但係要講既話  個個主腦就真係對個販毒行業有貢獻

講返漫話  姓黃那傢伙
我都淨係當佢係投資者  甚至係普通商人
但係就佢肯投資係漫畫業方面 都已經係對業界有貢獻

商業社會  無人出錢  你畫得幾好 無錢都無人同你出書

好多慈善家 出錢辦學
人地都會稱讚 ''作育英才  對教育事業有積極貢獻
就係咁解啦
唔通你又要話 //  佢淨係比錢~  都無真係教過人~  一D都唔配ㄚ~我好反感 \\
這樣麼!?

對業界有貢獻  同對社會有貢獻  係兩回事

side3net

原帖由 joveinhk 於 30-7-2009 12:06 AM 發表
係有D人睇都未睇清楚就答
對業界有貢獻  同對社會有貢獻  係兩回事
唔好講講下又講左第樣

如果 係要用販毒呢D咁既例子黎做比喻  都係一樣
無人比錢攪盆生意出黎  你所謂既大拆 小拆 邊得黎有收入
販毒係對社會 ...

咁唔該先參考一下.
李嘉誠醫學院冠名事件.
一班真正對醫學界有貢獻既醫生, 點樣睇你口中所謂既"貢獻者"
比錢既就叫貢獻, 攪野...佢果d叫投資者應該擁有既回饋社會責任.
比錢就大晒, 呢d咁既土共式經濟理論, 中國人真係想發圍都難.
難怪香港今時今日全部都係乂集團壟斷市場, 小商戶難以生存既環境.

再黎, 睇下就快出版既中華英雄前傳...
馬榮成既名...去左邊處????????????

原罪

原帖由 side3net 於 30-7-2009 12:53 PM 發表


咁唔該先參考一下.
李嘉誠醫學院冠名事件.
一班真正對醫學界有貢獻既醫生, 點樣睇你口中所謂既"貢獻者"
比錢既就叫貢獻, 攪野...佢果d叫投資者應該擁有既回饋社會責任.
比錢就大晒, 呢d咁既土共式經濟理論,  ...

中華英雄…原作其實係馬榮成定劉定堅？
一個畫，一個作…

現在其實好左「少少」啦…
比較尊重創作人，好似鍾英偉，林一壹等編劇既名…就算唔落封面，都第一二頁個標題有大大隻字寫…

好左架啦…

電影業，海報有時都得主角名啦。
幕後未必唔勁。不過除左資深既觀眾…有幾多人識幕後人？

係宣傳問題。

side3net

原帖由 原罪 於 1-8-2009 03:55 PM 發表


中華英雄…原作其實係馬榮成定劉定堅？
一個畫，一個作…

現在其實好左「少少」啦…
比較尊重創作人，好似鍾英偉，林一壹等編劇既名…就算唔落封面，都第一二頁個標題有大大隻字寫…

好左架啦…

電影 ...

中華英雄記憶中好似係由"劍聖遺憾"開始至"華文英"呢一階段係由劉定堅以每期千五至三千元負責創作既.
馬榮成一直唔喜歡人講中華英雄係劉定堅既創作(又係讀得書少, 驚人睇少既心態..唉...港漫人..)
中華英雄一書及華英雄一角既名字係由黃玉郎創作既(應該係玉郎機構班智囊)
其他角色, 未搵劉定堅編劇前, 應該純為馬榮成既英雄幫創作.

其實, 你講既野, 我都好認同.
只不過, 我覺得, 無理由連"真正既主筆"都唔落名就真係幾過份.
而反而, 投資者同CEO既名就本本書都見到既.

不過, 根本香港漫畫圈就係咁, 上左位既都唔願意放手培養新人
下下只顧keep住自己既名氣而去其他領域搵錢, 例如北上...
而居然仲有人講佢地"好有貢獻".
唔怪得特區班官個個都覺得自己"好有貢獻"啦.
真係唔好大, 教壞細既又一證明..

原罪

原帖由 side3net 於 1-8-2009 07:38 PM 發表


中華英雄記憶中好似係由"劍聖遺憾"開始至"華文英"呢一階段係由劉定堅以每期千五至三千元負責創作既.
馬榮成一直唔喜歡人講中華英雄係劉定堅既創作(又係讀得書少, 驚人睇少既心態..唉...港漫人..)
中華英雄一書 ...

……
我同意你講既一部份…
不過唔同意你拉埋政府講，因為一個商業，一個係公眾利益。
而政府…係我會鬧得好勁既。因為會嚴重離題:66: 所以算啦…

講返漫畫行。
你講佢唔培育新人…
呢個我有D保留…
只可以話做得唔夠好，同唔夠…

呢行除左黃生，邊個仲用新人？
搵到既馬SIR都唔用新人，唔開新作…
其他細公司…夠經營都難。:42:

其實唔止漫畫行，電影，電視，音樂…
睇落都唔多培育新人。成日都只用舊人。
其實，做得野既，佢地都好想請…但係…
後生一輩，有幾多挨得？
未出名前，又辛苦，又少錢個時…有幾多人可以忍到出名？
現在頗紅的謝安琪，未紅前貼錢返工架。自己化妝，迫巴士…

「挨」得到，其實行行都有機會。
而講返漫畫，黃生仲會投資落自己個行。已經好過好多所謂漫畫人啦。
個賠本個D…你又計唔計呢？

至於尊重…我覺得真係宣傳問題。
落個無人識既名有保證？還是用返黃生會好D？
我諗你明白既…
無奈…不過係現實…
就好似電影咁…好多導演…宣傳海報都可能無名…
不過資深既影迷會知…
大眾呢？就算落左名…都可能無咩效…

你應該都睇唔少漫畫…以前，睇版權頁，真係邊個編劇都唔知。
現在會落足製作名單，其實已經進步左啦。