|
|
樓主 |
發表於 29-7-2009 19:23:09
|
顯示全部樓層
原帖由 路人丙 於 29-7-2009 02:15 PM 發表 
大家輕輕鬆鬆吹下啦:71:
正如英皇電影,字幕果part一樣有揚受成,咁又可以代表d咩呢?
如果要講一本漫畫製作,投資,劇本,構圖,實線,背景,風位,字粒等仲有成堆人...........
馬榮成本天下都大把人畫啦,咪又只係出 ...
馬榮成仲有負責起稿既, 兄弟.
公仔點模仿都得, 但係分鏡呢樣野係好個人風格化.
一睇就知究竟份稿係出自邊個手既
龍虎門, 一睇就知好多時份野都係條龍起架啦.
你可能覺得黃玉郎無問題, 又或者問題不大.
不過我睇到既係, 幾廿年啦, 香港漫畫仍然係果幾個人.
但係係米真係得果幾個呢..原來唔係囉..
咁我最反感既係, 口口聲聲成日話咩野動漫巨人, 咩鬼造福業界.
你剩係發掘新人呢一方面都未做到啦....
鄺志德出個名又係攪野架, 係人都知佢根本係做行政既.
以集英社既架構黎講, 佢可以話等同總篇, 即係責任編輯既亞頭.
你幾時見集英社出既漫畫, 會打埋佢地總編個名係個封面處.
不過, 講返, 黃玉郎都算唔係太差.
起碼本書後邊會印晒所有工作人員既名.
你睇天下, 邊個有份做本書你都未知...
xxx xxx xxxx xxxxxx xxxxxxxxxxxxxxx
我好似講過呢樣野...
目前最欣賞既本地漫畫家, 係鄭健和同鄧志輝
鄧志輝只負責繪畫, 即行內所謂鉤頭, 黑稿, 加上為人低調, 所以無咩好講.
但負責起稿分鏡既和仔就好多野好值得欣賞.
理由一, 佢係用得最少旁白既. 漫畫始終係以畫面表達
你睇日本漫畫係好少旁白既, 太多旁白好易變成輕小說.
有睇"爆漫"既讀者會更加明白呢樣野既重要性
要用旁白講大一輪野去形容你個構圖同畫面, 其實某程度上亦表示左, 你用畫面講故仔既功力有限囉..
理由二, 和仔係真正脫離左果d咩招物招, 十九幾重天既打鬥方式.
起碼你係感受到殺道既戰鬥真係拳來拳往, 而唔係飛天氣功鐳射死光V雲雲..
(唔會無啦啦鬼殺咁叫個招名出黎, 但係畫面上都仍然係一個普通到唔普通既--直拳)
而且故事亦比較新派, 雖然仲係打鬥, 但係其實已經進步左好多.
至於劉雲果d我就唔講啦, 因為佢實在一年出唔到一本單行本.
[ 本帖最後由 side3net 於 29-7-2009 07:30 PM 編輯 ] |
|
樓主: side3net
發表於 28-7-2009 21:22:21
