盡擸潮物南亞排隊黨血拼老銅

hk小文

一批潮物炒家，起用一班兇狠的南亞排隊黨，幾乎壟斷了近年所有限量潮物銷售。本周一，佐敦五代復刻版波鞋在多間Nike專門店限量發售，炒家紛紛出動南亞排隊黨通宵輪籌，結果在銅鑼灣崇光百貨門外爆發混戰，有人爆樽受傷送院，一片混亂。南亞排隊黨動員力強，好勇鬥狠，由排隊買iPhone開始，至近年幾乎已淘汰本地排隊黨，成為炒家掃貨的專業「僱傭兵」。《爽報》跟蹤調查，潮物炒家如何利用排隊黨橫掃潮物的實況。撰文：蕭瑩盈　攝影：胡堅、高捷、金文

排隊黨過去仍有本地青年和師奶參與，但近年已被兇狠的南亞黨趕絕。排隊黨過去一般每人收200元酬勞，統一江湖後南亞黨大幅加價至500元。

屢見晒馬爆樽師奶怕怕
本周一Nike專門店開售前夕，銅鑼灣崇光百貨門外已聚集逾百名排隊黨，現場正輪籌購買限量佐敦五代復刻版波鞋。未幾排隊黨之間爆發混戰，有人連環敲爆玻璃樽，有人受傷送院，崇光門外亂成一團，市民驚慌走避。類似的打鬥場面，近日經常發生，每當有限量潮物推出時，不同背景的南亞排隊黨便蜂擁而至。
潮物店東主阿達指出，限量潮物有收藏價值，一向有價有市，奇貨可居，炒幅可高達兩、三倍，「普通市民根本冇辦法同呢啲（南亞）排隊黨搶貨，惟有硬食高價貨。炒家掃貨之後仲會囤貨，搞到好渴市，然後喺網上逐啲出貨，價錢係咁炒高」。
年僅26歲的阿峰，便是全港16名潮物大炒家之一，今趟更是掃波鞋的大莊家。

頭目Sunny出位壟斷市場
佐敦五代發售當日，阿峰早上9時到場打點，將掃貨名單交給南亞排隊黨頭目Sunny。至10時開售，兩人即到四樓專門店，監察排隊黨掃貨，阿峰並安排負責碌信用卡的車手，在收銀處為排隊黨付款。約中午12時掃貨完畢，Sunny給排隊黨出糧，聯同手下將約120對波鞋運送到地面，然後由客貨車送到貨倉。粗略估計，阿峰當日動用約20萬元掃貨，單是排隊開支就花6萬元。
由於南亞排隊黨頭目動員力強，能隨時調動大批無業南亞人來排隊，所以南亞黨幾乎壟斷市場。潮物店東阿達稱，其中巴基斯坦籍的Sunny是近最出位的排隊黨頭目。

http://hk.apple.nextmedia.com/news/art/20130510/18255645
始終覺得，終有一鑊爆佢大大地！俾班南亞人玩番班炒家一舖！