白色戰魂!!!!—ROBOT魂 115 NU GUNDAM 完全玩評報告

kkkiii0079

NU GUNDAM，一隻由佢公佈話出到佢真係出左，我都無停過咁留意佢，真係太開心了﹗所以，今次既REPORT可能會長左少少，大家唔好介意﹗言歸正傳，去番隻公仔度先。先前有唔少朋友都講過佢同MIA、HG NU做比較，我無玩過MIA，唔作評論，但係HG NU我就砌過。之前我講過，模型同ROBOT魂公仔始終係兩樣野，無咩可比性，不過今次都藉此講下一D少少既觀感。同以往一樣，我會先講下隻野既特點，再講下佢好既唔好既地方，最後再分享一點建議。:71:






去番隻野本身，配件好多，四千幾YEN，三百零蚊HK，其實算係咁﹗OK，可以接受﹗



講番隻素體先，先前最擔心既面相，的確，第一眼看下去係有唔少既問題，比如中間個「三間野」點解咁細既之類，但係再睇真D又唔係好真係覺得大問題，有時甚至覺得佢呢個既頭型又同整體配合得幾好。整體既身型比例做得唔錯，其實如果你有玩過HG隻模型，你發現佢地既下半身真係差唔多，但係上半身就有明顯既分別，最主要係R魂為求個型睇落去正D，於是就整條腰細少少，個感覺做得唔錯既﹗



再裝上D基本裝備，BEAM RIFLE、CANNON、SHIELD，全部合格，特別係後兩者做得非常非常之靚，CANNON既分色，連同個排上左色既飛彈，個SHIELD既內部構造都到達一流既水平。講真，無咩野可以鬧﹗



不過，裝番D砲就要出句聲，先講好既地方先。大家都會睇到，佢既上色係好得好好既，每隻砲都可動，而且郁得非常爽，正﹗不過，你會見到，其實佢裝翼既位置係做得麻麻地，D砲連埋左一齊之後，基本上係成日跌來跌去，主要係左邊數上第二隻翼同左邊數上第一隻翼既連接位出左問題，唔少人都要係六支砲入面找一支插得實D既出來，小弟都唔例外啦。其實，呢個連接位真係可以再做得好D，玩家可以玩得更開心﹗


整個近鏡，你地就會望到隻野真係做得幾好架啦~~唔講咁多，去POSE，邊POSE邊評﹗


你會睇到，由於完成度高，可動性又做得好，所以擺POSE真係幾易搞。同埋今次佢個關節位係同新版UNICORN類近，玩上手特別好FEEL。之前如果大家有留意過隻手臂，就會知道笨大有一個新嘗試，就係將個膊頭位做少少分離效果，令到兩隻手可以係心口前面可以交合起來。這個技術在新UNICORN之前都唔太成熟，好似我隻STRIKE就扯幾野出來就「FING」(點解出唔到字......><:68: )，好可憐，但係去到NU，呢個技術已經好成熟，唔會FING之餘，感覺重好似有D野卡一卡死係個膊頭位，令個膊頭既承托力更好﹗呢一點無得唔讚﹗因此，呢類直手POSE已經唔需要「就位」，已經直接咁做出來﹗:71:

飛行POSE完全無問題。今次笨大係個連接位度花左D心思。佢今次有兩種上架方法任君選擇。首先，你可以將個魂STAGE直接插係PATPAT度，咁個STAGE就可以直接承托隻野，不過由於有好大支野係PATPAT處，你要玩D夾大脾POSE好難搞。於是佢又再有另一個「插」，就係一個連駁既膠(小弟詞窮，唔識講)，就係可以將個接駁位移後到背部，就可以擺出夾腳POSE。不過，個舊膠既承托力一般，要小心D玩，如果唔係分分鐘玩斷佢。:30:




成隻野D角度真係做得好好，好有線條感﹗



得益於高可動之手臂，擺呢D POSE完全無難度﹗





今次把劍同新版UNICORN個支類近，就係把野唔再係「齋膠」，而係係表面有D磨沙既感覺，令到把野好似更加真實咁﹗






CANNON都做得唔錯﹗如果炮身再修長少少，效果應該可以更好一些﹗


玩NU，唔少得要佢做上D出拳POSE啦﹗得益於高可動度，做呢D POSE完全係簡單，直接了當﹗

得套野入面係打左沙煞比幾野，不過無對手係度，暫時打住空氣先~~

打過GVGN既朋友就知道，最後一下就係昇龍拳﹗

得益於高可動度，呢D動作真係好小兒科。同埋今次呢睇笨大係花過心機整隻野，事關佢個黑色位原來係可能稍稍移後一點，然後把野就可以拔出來。呢D DETAIL位真係做得好好﹗無得彈﹗:34:


今次個FUNNEL其實幾好玩，第一，六隻都可以開開合合，第二，開合得好爽，第三，隻隻都整得好DETAIL。不過，問題出左係後面個三支野度，基本上，佢地係幾難上架，應該話，三支一齊上，都真係搞左唔少時間。事關佢個連接BALL JOINT位都好難插下，但係搞得一支來，第二支又要跌，搞左勁耐先至舞到佢地。其實，我情願用魂STAGE去做個浮游感覺出來，感覺上好似會再自然一點。



當然唔少得要玩下佢個個開炮BEAM個三塊野~~感覺算係唔錯，不過可能小弟用左D唔太對色既底紙，個效果唔係太明顯~






如果大家有留心睇套野，阿寶去到中段，係重有一支浮游炮架，之後再同沙煞比死過~



  一路都唔記得影個背面，補飛。基本上，個背做得真係幾好，D DETAIL位上色真係做得好足好足，無野好講﹗正﹗

好，最後部分，當然又係優劣點同建議部分，如下：

優點：
1. 上色一流，除左個別地方出左界外，其他地方真係油得幾好
2. 關節可動性高，而且耐玩，唔會玩幾下就FEEL到佢唔得
3. 裝備設備用心，好多DETAIL位都跟得好足﹗例如支炮整左係背度，基本上唔會無啦啦掉下來
4. 連接魂STAGE位做得好好，玩得簡單
5. 腳掌個扭曲部分做得麻麻地，但接地個下做得真係好好，呢個好緊要。(如果有玩過STRIKE個D就知道腳掌接地唔好同好既分別係咩)
6. 頭部可動性高，可以做好多唔同類型既動作，如飛行MODE之類

劣處：
1. 駁FUNNEL個三支野太難調較，好像「很化學」
2. 面上有幾個上色位有改善空間
3. FUNNEL既連駁部分真係做得幾差，擺一次POSE就掉一次下來
4. 背上插劍位做得麻麻，成日甩劍
5. D透明件做得太瑣碎，容易唔見
6. 裙甲都係太大件，影響左隻腳既可動性，呢一點不如STRIKE個邊既設計

建議：
1. 買個時，主要留意一下面相既上色問題，其他地方既上色問題不大(如果有少少黑點，開盒之後可以輕易挑走，咁就簡單處理左佢就算)
2. 玩個時，建議上落架個下，反正D FUNNEL成日跌，倒不如把它直接連下來吧﹗
3. 玩FUNNEL個時，建議整好角度個D野先連上去隻主體度，咁就唔會整完一支跌一支咁麻煩﹗
4. 建議做多DD高難度動作，呢隻野「應付得來」

總括而言，呢隻算係近期ROBOT魂出色既作品，希望大家可以玩得開心﹗
更多的圖片和其他ROBOT魂報告，可以到小弟既個人網誌上參看：http://blog.yahoo.com/_PEAE5C7I2T4VVJ4LH35KWQQZEI/articles/630108/index:64:

luciferdark

屈機靚相同REPORT再來!!!

stonekeung01

可能我好彩，冇大大講D炮連埋一齊之後跌來跌去既情況，但甩劍就有少少，
同埋我最唔鍾意佢D噴氣口冇填黑色，膊頭senor冇色，所以自己搞搞佢

TsChoi

好圖又詳盡的報告:71:

victor789

吉FUNNEL&#22000;支&#22050;勁難插,個球形接駁太大!?
結果我磨細佢,然後perfect咁塞入去  :71:

MR_OOO

可能係中文世界最詳細既r魂nu report!!:$

zeros2000

插FUNNEL個三支野落去果下真係好鬼驚整斷:69:

歪不正

每次睇完你報告隻玩具會更有價值:71:
由令我買唔買都冇所謂變成心CC蠢蠢欲動

阿噗高達

武器包走唔甩:$

kkkiii0079

謝謝大家支持，我都有諗過磨細個joint, 但驚出事，所以都無郁到手呀><

nwt15

大大報告夠牛B!!! :71:

wufeiho

報告很長盡, 我都好想買!

victor789

謝謝大家支持，我都有諗過磨細個joint, 但驚出事，所以都無郁到手呀>
kkkiii0079 發表於 22-4-2012 04:46 PM

磨少少試下,再磨少少,再試下咁就OK :61:

AK30

It's a very detail report, thx!

36韜

呢隻 nu 好正, 特別係個比例, 可以講都幾 perfect~