亂之……我的沈佳宜

七國咁亂

雖然遲咗，都好想講吓…

好耐好耐無行入戲院睇戲，但……實在實在太多人話呢套戲好睇、好正，而且好多人仲話好有感覺，再加上我已係一個接近年邁嘅中坑，真係好想有生之年返到自己嘅傻氣年代，終於喺今個禮拜忍唔住行咗入黃埔睇：那些年，我們一起追的女孩。行出戲院門口，感覺好舒服，呢套戲比我嘅感覺就係咁，裏面無激情嘅戲份、無華麗嘅畫面、無煽情嘅橋段，只係好簡單好簡單將大部份人 (我諗應該係所有人) 中學嘅生活好真實、好真誠咁…透過畫面，將我 (同你) 帶返到校園裏面 (當然打手槍例外)，細味當年 (那些年)。

不過，我最唔高興就係地震嗰段，嗰個下半邊男人面嘅畫面一出，我心裏面就叫唔好抄頭文字D吧…拜託！(結果……唉……)。套戲每個畫面，就好似將我腦海入面嘅回憶，一點一滴咁勾晒出嚟，當年嗰種開心、恍惚、迷戀、徬徨，就喺呢個零鐘頭裏面澈澈底底咁感受多一次：每班都有嗰個肥仔、以為自己好型嘅死仔、幾千人都想追嗰個女同學，最驚嘅就係第一次約會個女同學佢都係戴住白色冷帽，Oh Sh#t！見鬼！最攞命嘅係曾經嗰種痛嘅感覺…(心中流下兩行淚)，行出戲院門口望向街，突然…腦中彈出一句：我嘅沈佳宜，妳宜家過得好嗎？嫁到一個好男人了吧！柴！那些年錯過的大雨  那些年錯過的愛情  好想告訴妳  告訴妳我沒有忘記……:79:

冬暖夏涼小恐龍

心同感受:79:我的沈佳宜

Gundam@EFSF

我嘅沈佳宜，宜家過得好，嫁到一個好男人，& have a pretty baby girl...
"好想擁抱... 擁抱錯過的勇氣............:oh:

七國咁亂

我嘅沈佳宜，宜家過得好，嫁到一個好男人，& have a pretty baby girl...
"好想擁抱... 擁抱錯過的勇 ...
Gundam@EFSF 發表於 1-12-2011 23:26

真羨慕brother:63:

Gundam@EFSF

真羨慕brother
七國咁亂 發表於 3-12-2011 02:04

羨慕！？:@

七國咁亂

羨慕！？
Gundam@EFSF 發表於 3-12-2011 08:38

對呀(國語)！起碼brother同九把刀都知道那些年你哋愛過嘅人都有美好嘅生活，小弟無咁好彩，佢宜家喺邊都唔知……:31: